Pozicioni i uljes në formën e shkronjës “W” është i rrezikshëm, dhe duhet t’i ndaloni fëmijët nga kjo formë e uljes, raporton Perdiatricservices.com.
Kur fëmijët ulen në këtë pozicion ka më pak mundësi të zhvillohet rrotullimi i nevojshëm i trupit, dhe stagnon zhvillimin motorik të boshtit kurrizor.
Sipas hulumtimeve të fundit nga specialistët e ortopedisë, fëmijët që ulen në këtë pozitë mund të kenë përpos të problemeve ortopedike, edhe shqetësime neurologjike dhe vonesa zhvillimore.
Pediatrit rekomandojnë që fëmijët të ulen në kolltukë të butë, të cilët ofrojnë mbështetje, apo nëse ulen në tokë, të ulen në pozita të tilla që ofrojnë lëvizshmëri të madhe të trupit dhe boshtit kurrizor.
