Një krijesë 390 milionë vjeçare e ngjashme me peshkun, ndoshta nuk është ajo që do të prisnit të gjenit në pemën tuaj familjare.
Por një studim i ri ka treguar se krijesa, e quajtur “Palaeospondylus gunni”, mund të jetë një nga paraardhësit më të hershëm të njeriut, shkroi DailyMail të mërkurën.
Fosilet e krijesës si ngjala janë të shumta në Caithness, Skoci, pasi u zbuluan për herë të parë atje në vitin 1890.
Ekspertët që nga atëherë e patën të vështirë ta vendosnin diku në botën e gjallesave, pasi kjo krijesë ishte vetëm 5 centimetër e gjatë, që e bënte rikonstruktimin e kafkës të vështirë.
Tani, Shigeru Kuratani nga qendra e studimeve RIKEN Cluster në Japoni, ka zbuluar dëshmi se krijesa kishte një nofull dhe katër gjymtyrë.
Gjetjet e vënë atë në krye të pemës familjare të kurrizorëve, përfshirë njerëzit.
“Palaepondylus” daton prapa në pikën kritike në histori kur kurrizorët e parë filluan ta bënin rrugën jashtë ujit.
Zbulimet e reja nënkuptojnë se shkencëtarët mund të zbërthejnë një sërë tiparesh morfologjike të panjohura dhe historinë e evolucionit të kafshëve me katër gjymtyrë.
