he Journal Junior – Minneapolis më datën 31 gusht 1901 raportoi se një mësues, në fshatin e Salesit zbuloi që nxënësit e tij nuk kuptonin asnjë fjalë të vetme në greqisht.
Ka ndodhur në vitin 1901, kur një media e rëndësishme në SHBA, raportonte se në një zonë vetëm 12 milje larg Athinës, askush nuk dinte asnjë fjalë greqisht. Në këtë shkrim korrospodenti i The Journal Junior – Minneapolis, raporton se në fshatin Salesi, kurrkush nga nxënësit e fshatit nuk dinte asnjë fjalë greqisht, ata flisnin vetëm shqip. Banorët e këtij fshati, e konsideronin greqishten si gjuhë të huaj. Ky ishte raliteti, në shumë zona të Greqisë, në vitin 1900.
Artikulli është marrë nga gazeta The Journal Junior – Minneapolis, e datës 31 Gusht 1901. Më poshtë botohet një pjesë nga artikulli, shoqëruar me fotografinë e faqes së gazetës.
The Journal Junior – Minneapolis. 31 gusht 1901
Atje nuk flitet greqisht
Raportim i korespondentit nga Athina
Kushte të veçanta pune pranë Athinës.
Një dukuri shumë e veçantë raportohet nga një fshat vetëm 12 milje larg Athinës.
Një mësues, i cili tashmë është emëruar në fshatin e Salesit për kryerjen e detyrës së tij, zbuloi se nxënësit e tij nuk kuptonin asnjë fjalë të vetme në greqisht, e cila ishte gjuhë e huaj edhe për prindërit e tyre. E vetmja gjuhë që ata flisnin ishte gjuha shqipe. Ai menjëherë u dërgoi letër në ministri se si qëndronte çështja e cila dërgoi një përkthyes për të shpëtuar nga situata…
