6.1 C
Pristina
Monday, August 2, 2021
Home KURIOZITETE Historia e gruas që bëri miliona duke grabitur dhe shitur mbi 5...

Historia e gruas që bëri miliona duke grabitur dhe shitur mbi 5 mijë fëmijë

Midis viteve 1924 dhe 1950, një grua me emrin Xhorxhia Tan, rrëmbeu dhe ndau nga familja e tyre më shumë se 5000 fëmijë, shumë prej të cilëve jetonin vetëm me nënat e varfra, dhe ishin të padëshiruara nga të afërmit.

Në pamjen e jashtme, Tan dukej si një gjyshe shembullore, dhe pak familje dyshonin se çfarë kishte ajo në kokë.

Tan u diplomua për muzikë në vitin 1913, në Kolegjin Marta Uashington në Virxhinia. Ajo ishte një mësuese për pak kohë, para se të angazhohej në një karrierë në punët sociale. Në vitin 1920, ajo përfitoi nga roli i babait të saj si gjykatës i Gjykatës së Rrethit të Dytë të Misipit, dhe i mungesës së ligjeve, për të hyrë në biznesin e birësimeve.

Gjatë kohës që punoi në Shoqatën e Fëmijëve në Tenesi të SHBA, ajo dhe rrjeti i saj i punonjësve socialë do të kërkonin vazhdimisht fëmijë për t’i birësuar. Me ndihmën e miqve të saj politikanë, Tan ishte në gjendje që t’i ndante ligjërisht prindërit nga fëmijët e tyre me akuzën e neglizhencës.

Fëmijët më tërheqës, u shiteshin familjeve të pasura. Ndërkohë, qindra fëmijë të padëshiruar dhe të papranueshëm vdiqën nën kujdesin e Tan, shpesh për shkak të neglizhencës dhe urisë. Besohet se disa prej trupave të fëmijëve, mund të jenë varrosur në oborrin e Shtëpisë së Fëmijëve ku punonte Tan.

Disa nga fëmijët nën kujdesin e saj vuajtën shumë, si para ashtu edhe pasi u vendosën tek prindërit e tyre birësues. Sipas Barbara Rejmond në librin e saj “Hajdutja e fëmijëve: Historia e pa treguar e Xhorxhia Tan”, dyshohet se ajo ka keqtrajtuar disa nga vajzat që rrëmbeu, duke ua shitur adoleshentet burrave beqarë që ishin pedofilë të mundshëm.

Disa fëmijë u blenë nga të rriturit, për të shërbyer si punëtorë në fermë ose shërbëtorë shtëpiakë, ndërsa të tjerët u lanë pas dore nga familjet e tyre të reja, duke duruar rrahjet, urinë dhe ndonjëherë edhe përdhunimin.

Një nga fëmijët që shiti Xhorxhia Tan, Xhim Lambert, kujtoi më vonë se Tan e largoi atë dhe 3 vëllezërit dhe motrat e tij nga nëna e tyre në vitin 1932. Ai më vonë u abuzua nga nëna e tij birësuese, dhe kur më në fund zbuloi informacione për nënën e tij biologjike, ai mësoi se ajo kishte vdekur.

Në fund të viteve 1940, guvernatori i Tenesit e detyroi prokurorin Rober Tejlor, që të hetonte Xhorxhia Tan dhe Kamila Kellej, e cila e ndihmoi në realizimin e birësimeve të dyshimta. Në gjyq, Tejlor spekuloi se Tan kishte fituar më shumë se 1 milion dollarë duke shitur fëmijë.

Sipas urdhrave të Xhorxhia Tan, fëmijët rrëmbeheshin nga rruga, në qendrat ditore, madje edhe në kisha.

Ajo dhe njerëzit e saj rrëmbenin fëmijët e lindur nga nëna që vuanin dënime me burg, ose të mbyllura në spitale psikiatrike. Të tjerët u vodhën nga maternitetet pak orët pasi kishin lindur. Mjekët, infermierët dhe “punonjësit socialë” ishin pjesë e operacionit të koordinuar nga Tan.

Ata i largonin foshnjat nga materniteti, përpara se dikush ta vinte re. Madje disa mjekë merrnin ryshfet prej saj, për t’u thënë prindërve të rinj se foshnjat e tyre kishin vdekur gjatë lindjes. Një numër i fëmijëve të rrëmbyer vdiqën, ndërsa të tjerët u birësuan.

Por identiteti i tyre i vërtetë u mbajt sekret dhe të dhënat u falsifikuan. Shumë pak prej tyre do të bashkoheshin ndonjëherë me prindërit e tyre biologjikë. Në kohën kur Xhorxhia Tan ishte drejtoreshë ekzekutive e Shoqatës së Fëmijëve në Tenesi, shumë fëmijë vdiqën nën kujdesin e saj.

Në atë kohë, shkalla e vdekshmërisë foshnjore në Memfis, ishte dukshëm më e madhe se kudo tjetër në Shtetet e Bashkuara. Besohet se rreth 500 fëmijë vdiqën për shkak të sëmundjes, kujdesit jo të duhur dhe ndoshta abuzimit. Me gjithë statistikat alarmante, çuditërisht Tan u vlerësua për punën e saj.

Media e kohës e vlerësoi shumë. Zonja e Parë e SHBA-së, Eleonor Ruzvelt këshillohej me Tan për mirëqenien e fëmijëve, ndërsa presidenti Truman i kërkoi asaj të merrte pjesë në ceremonine e inaugurimit të tij.

Aktorja Xhoan Kourford adoptoi 5 fëmijë gjatë jetës së saj, ndërsa në vitin 1947, ajo gjeti vajzat e saj binjake Keti dhe Sinthia përmes Shoqatës së Fëmijëve në Tenesi. Aktorët Xhun Elison dhe Dik Pauell gjithashtu adoptuan një fëmijë nga organizata e drejtuar nga Xhorxhia Tan. Po kështu vepruan aktoret Lana Tërner dhe Meri Pikford, shkrimtari Përl Bak dhe guvernatori i Nju Jorkut, Herbert Lehman.

Thuhet se mundësi profesionist Rik Fler, që lindi në Memfis në vitin 1949, ishte një nga shumë fëmijët që Tan kishte rrëmbyer nga prindërit e tyre biologjikë. Gjatë gjithë karrierës së saj, Tan kreu rreth 5.000 birësime të dyshimta.

Edhe pse shumë nga nënat shkuan të denonconin në polici, ato ishin shpesh të paarsimuara dhe nuk kishin shumë para. Dhe e kishin shumë të vështirë të sfidonin Xhorxhia Tan, që ishte e pasur dhe kishte shumë lidhje të fuqishme në politikë dhe gjyqësor.

Krimet e saj u denoncuan vetëm në vitin 1950 nga guvernatori i Tenesit. Por shumica e fëmijëve që ajo dha për birësim, nuk u bashkuan kurrë me familjet e tyre biologjike. Xhorxhia Tan vdiq nga kanceri i mitrës në moshën 59 vjeçare, në shtatorin e vitit 1950, vetëm disa ditë pasi kishte nisur një procedim penal ndaj saj.

LEAVE A REPLY

Please enter your comment!
Please enter your name here

Most Popular

Ja si mund ta largoni erën e cigareve nga rrobat dhe shtëpia

Si ta largoni erën e cigareve nga rrobat dhe shtëpia. Disa rekomandime për të eliminuar erën e cigareve dhe...

Ku i gjeni 99 shkallë, si 99 emrat e Zotit? – “XHAMIA E ÇUDITSHME”

Çdo ditë e hapur, për besimtarë dhe vizitorë, ndërsa hyrja është e lirë./Konica.al Xhamia e Pazarit të vjetër në...

Veshja dhe kostumet tradicionale të Beratit, nga më të veçantat në Shqipëri

Tradita e veshjes së banorëve të qytetit të Beratit është një nga më të veçantat në Shqipëri. Kjo për shkak edhe se...

Dashunija ndaj prindëve – Ndre Mjeda

Poezi nga Ndre Mjeda Me sy çilun afër djepit,Me kujdes e me dashtni,Për vaj tem tue hjekun zi,Tue shëndue...

Recent Comments