6.1 C
Pristina
Saturday, February 27, 2021
Home HISTORI/ARKEOLOGJI Pasko Kuzman: Nëse tregoj ku është varri i Aleksandrit të Madh, do...

Pasko Kuzman: Nëse tregoj ku është varri i Aleksandrit të Madh, do të nis Lufta e Tretë Botërore

Arkeologu Pasko Kuzman, i cili është i njohur për deklaratën e tij se nuk do të largohet nga kjo botë pa mos e zbuluar varrin e Aleksandrit të Madh, ka lëshuar sërish një deklaratë të ngjashme.
Ai thotë se nëse tregon se ku ndodhet varri i Lekës së Madh, do të fillojë lufta e tretë botërore, përcjell Telegrafi Maqedoni.

“Pas gjithë hulumtimeve dhe studimeve që kam bërë ndër vite, lirisht mund të them se e di se ku është varri i Aleksandrit të Madh, por në këtë pikë aftësia ime intelektuale është e përqendruar në shkrimin e një romani për bashkëkombasin tonë në Paris”.

“Në një rast, kur më pyetën pse nuk thashë nëse e di se ku ishte varri i Aleksandrit të Madh, unë u përgjigja se nëse do ta bëja, do të fillonte Lufta e Tretë Botërore. Kam frikë edhe për zhvillimin e mëtutjeshëm të njerëzimit nëse zbulojmë të vërtetën për vendin ku është varrosur Aleksandri. Do të jetë diçka si zbulimi i varrit të Jezu Krishtit”, thotë Kuzman.

Sipas informacioneve të tij, për të cilat thotë se nuk janë absolutisht të vërteta, vendi i varrit të Aleksandrit të Madh është tek lokaliteti arkeologjik Isar, në fshatin Marvinci të Vallandovës.
Pasko Kuzman nga 2006 deri në 2013 ishte Drejtor i Zyrës së Mbrojtjes së Trashëgimisë Kulturore. Në korrik 2014, Gjykata Penale e Shkupit e dënoi atë me 3 vjet burg për rastin e gërmimeve dhe shitjeve të paligjshme të objekteve arkeologjike, të njohur si “Falanga 2”.

Kuzman u dënua për shpërdorim të pushtetit, sepse ai u kishte dhënë dy personave leje për të gërmuar në dy lokalitete afër Katlanovës dhe Dellçevës. /alldailydose.com /InforCulture.info

LEAVE A REPLY

Please enter your comment!
Please enter your name here

Most Popular

Maks Myle: “Emrat e mjaft popujve të njohur rrjedhin nga fjala e vjetër shqipe ‘Ar’ “

Më poshtë janë disa citate për shqiptarët, nga historianë dhe personalitete të kombësive të ndryshme.Maurico Druon, sekretar i...

Parukieret nuk ua thonë: Këto janë 10 sekrete për flokët qe çdo vajze duhet ti dijë

Keni flokë të holla dhe e keni të vështirë që t’iu jepni volum, apo nuk i mbani dot siç dëshironi? Mos u...

Shurupi natyral kundër kollës

Kolla nuk duhet anashkaluar asnjëherë sepse shkakton dëme fizike dhe shëndetësore.Në stinën e dimrit, një nga betejat më...

Cili ishte populli evropian që më së shumti e lartësoi Skënderbeun?

Intelektualët francezë ishin të parët që e vlerësuan luftën 25 vjeçare vendimtare të Skënderbeut në përpjekjet për të frenuar hordhitë turke në...

Recent Comments