Një grua nga Britania ndoqi hapat e babait të saj dhe theu rekordin botëror Guinness duke pastruar tri xhamat e zyrës në 16.13 sekonda.
Aliscia Burrows, 33-vjeçare, pastroi tri dritaret 45 inç me 45 inç ndërsa konkurronte në Mançester Cleaning Show dhe përfundoi duke thyer rekordin për pastrimin më të shpejtë të dritareve në kategorinë e femrave, me 0,15 sekonda.
Burrows nuk punon si pastruese dritaresh, por shpejtësinë e ka trashëguar nga babai i saj -Terry “Turbo” Burrows, i cili është një pastrues profesionist që mban rekordin e njëjtë, veçse në kategorinë e meshkujve, 9.14 sekonda.
“Megjithëse nuk kam qenë kurrë në profesionin e pastrimit të dritareve, fëmijëria ime ishte shumë e përfshirë me të”, tha Burrows.
