6.1 C
Pristina
Tuesday, May 11, 2021
Home KËSHILLA Ushqimet me kalori negative, zgjidhje për të mbajtur peshën që dëshironi

Ushqimet me kalori negative, zgjidhje për të mbajtur peshën që dëshironi

Strategjitë për ushqyerjen e shëndetshme dhe rënien në peshë janë të larmishme.

Një prej tyre ka të bëjë me konsumin e ushqimeve me kalori negative, të cilat supozohet të kërkojnë më shumë energji për t’u tretur.

Në teori, njeriu mund të humbasë në peshë duke ngrënë ushqime me kalori negative.

Kjo nuk do të thotë që këto ushqime janë pa kalori.

Megjithatë, vetëm fakti që trupi shpenzon më shumë energji për djegien e tyre përbën një situatë fitimprurëse për organizmin.

Klasifikimi i Kalorive

Ekspertët i klasifikojnë kaloritë në dy kategori: boshe dhe negative.

Boshet janë ato që kur konsumohen nga ushqimet rrisin ndjeshëm numrin e përgjithshëm të kalorive në organizëm.

Ushqimet e shpejta, të përpunuara dhe sheqeri janë burim kryesor i kalorive boshe.

Këto kalori nuk kanë asnjë vlerë ushqimore.

Kaloritë negative vijnë nga ushqime që janë të pasura në vlera dhe kanë pak kalori.

Ushqimet e pasura me fibër ose ato që kanë një indeks të ulët glicemie njihen si ushqime me kalori negative.

Ushqimet e pasura me fibër përmbushin dy qëllime të rëndësishme për shëndetin.

Trupi kërkon shumë kohë për të nxjerrë fibrën nga organizmi, ndaj uria troket shumë më vonë se zakonisht.

Së dyti, këto ushqime çlirojnë sheqer në gjak në mënyrë të ngadaltë dhe gjasat e shëndoshjes falë tyre janë të ulëta.

Selinoja, ushqyese dhe me kalori negative

Selinoja njihet si një shembull i ushqimeve me kalori negative, ndoshta për faktin se në përmbajtjen e saj ka më shumë ujë dhe fibër.

Sipas ekspertëve, duke ngrënë dhe tretur selino, njeriu humbet më shumë kalori.

Gjatë ditës, 5-10 për qind e energjisë totale të shpenzuar në organizëm shkon për tretjen e ushqimit.

Selinoja dhe perime të tjera pa niseshte ofrojnë një numër të kufizuar kalorish, e megjithatë ato kërkojnë shumë energji për t’u tretur.

Rekomandohet konsumimi i frutave të pyllit, qitros, karotës, domateve, kastravecit, shalqirit, mollëve, kungulleshkave e sallatës jeshile.

Ato përmbajnë një zgjedhje të zgjuar për të qenë pjesë e një regjimi ushqimor të bazuar kryesisht te bimët dhe barishtet. 

LEAVE A REPLY

Please enter your comment!
Please enter your name here

Most Popular

Eksperimenti i pazakontë që çoi në shpikjen e vaksinës së parë

Lia konsiderohej kohë më parë një sëmundje e tmerrshme ngjitëse, që shkaktonte dhembje të mëdha trupi, temperaturë të lartë, dhembje fyti, koke,...

Cili është grupi më i rrallë i gjakut?

Vetëm 43 persona në botë e kanë grupin e gjakut Rezus nul ose invalid, një tip gjaku që është i ngjashëm me...

”Hej, Kaçanik, o shkëmb e gur, Vritesh e pritesh për flamur,..” – Beteja e Kaçanikut

Sabit Jaha: BETEJA E KAÇANIKUT E VITIT 1910 II Beteja e Kaçanikut u zhvillua ndërmjet kryengritësve shqiptarë nën udhëheqjen...

Ja pse besohej që patkoi i kalit është fatndjellës

Ekzistojnë disa arsye, se përse njerëzit e periudhës mesjetare, besonin se patkonjtë e kuajve ishin fatndjellëse. Së pari ato ishin prej hekuri,...

Recent Comments