Fakti historik i cili më vonë u kthye në një legjendë shqiptare, lidhet me Isa Bolietinin në takimin e tij në Londër. Kur ai ja nxorri revolen e fshehur në brez, ministrit britanik, në shenjë për të treguar se ‘nuk çarmatoset ushtari shqiptar’.
Më 1913, si anëtar i delegacionit shqiptar e përfaqsues i Ushtrisë Shqiptare, së bashku me Ismail Qemalin shkoi në Londër ku protestoi me forcë kundër vendimit të Fuqive të Mëdha, për copëtimin e territorit etnik shqiptar.
Këtë takim më së miri e përshklruan historiani britanik, Edwin Jacques, që tregon një anekdotë.
“Sa hyri në ndërtesën e Ministrisë së Jashtme, që të mbronte çështjen e kombit të tij, polici i sigurisë i kërkoj të hiqte revolen nga brezi dhe t’a linte në vendin e posaçëm, ngaqë duhet të hynte i paarmatosur. Boletini e dorzoi pa u ankuar. Gjatë takimit, Ministri i Jashtëm, Ser Edward Grey, e shoqëroi Boletinin drejt vendit për të rimarrë revolen e tij. Ku ministri qeshi, dhe i tha ‘Gjeneral, gazetat mund të shkruajnë nesër se Isa Boletini, që as Mahmut Shefqet Pasha s’mund t’a çarmatoste, sapo u çarmatos në Londër.’ Boletini ia ktheu me një buzqeshje të butë; ‘Jo, jo, as në Londër!,’ dhe nxori nga prapa një revole të dytë”, përfundon shkrimi i historianit britanik, trasnmeton gazetametro.net
Këtë revole mund ta shihni në foton më poshtë.
Një ‘allti’ që në turqisht do të thotë ‘gjashtëshe’, përshkak se i nxinte 6 plumba municion dhe funksiononte me mulli. Për të treguar ekstravagancën, ‘alltia’ e Boletinit ishte e flakëruar në argjend. Traditë e komandantëve shqiptarë që vërhet edhe te popujt e tjerë të ballkanit.
