Një australian ka gjetur një gur me peshë 4,6 kilogramë që përmbante në brendësi të tij ar me vlerë 160 mijë Dollarë.
Australiani, i cili nuk preferon që t’i zbulohet identiteti e ka gjetur atë në fushat e arit të Viktorias.
Arin e ka blerë Darren Kamp, i cili thotë se është më i madhi që ka parë në karrierën e tij 43-vjeçare.
“Thjesht u trondita… Është një gjetje një herë në jetë”, tha ai për BBC.
Kamp nuk e kishte menduar asnjëherë që do të bëhej një gjetje e tillë deri në momentin kur një burrë që mbante një çantë shpine të madhe hyri në dyqanin e tij.
“Por ai e tërhoqi këtë gur dhe ndërsa e lëshoi në dorën time, tha: A mendon se vlen 10 mijë Dollarë?
“Unë e pashë atë dhe i thashë: “Provo 100,000 Dollarë”, tregon ai.
Pasi e vlerësoi, Kamp e bleu atë.
Ndërsa zbulimet si kjo janë të rralla, Australia vlerësohet të ketë rezervat më të mëdha të arit në botë./tvklan.al
