Historia e statujës “Kopakonan” është e lidhur ngushtë me një legjendë shumë të trishtuar, e cila tregohet në ishullin e Kalsoy ose “Ishullin e Burrave”. Legjenda tregon se në të kaluarën e largët, besohej se kushdo që vdiste në mënyrë të dhunshme ose duke kryer vetëvrasje, shndërrohej në një fokë.
Sidoqoftë, një herë në vit, këto qenie mund të riktheheshin përsëri në formën e tyre njerëzore për të festuar me fshatin derisa të dilte dielli, kur përsëri shndërroheshin në fokë.
Ishulli Kalsoy është pjesë e Ishujve Faroe, ndryshe të njohur si “Ishujt e Deleve”; është një grumbull ishujsh, ku nga 18 të tillë 17 janë të banueshëm, që gjenden në arkipelagun në Oqeanin Atlantik të Veriut në mes të Skocisë, Norvegjisë dhe Islandës.
