“Dragoi i Vdekjes” është zbuluar në Argjentinë. Zvarraniku i madh antik është më i gjatë se një autobus shkolle dhe ka jetuar bashkë me dinozaurët 86 milionë vite më parë

Mbetjet e fosilizuara të zvarranikut të madh fluturues, i quajtur “Dragoi i vdekjes” – i cili ka jetuar bashkë më dinozaurët 86 milionë vite më parë – është zbuluar në Argjentinë.

Me një gjatësi rreth 9 metra, ai është pterosauri më i madh i zbuluar në Amerikën e Jugut dhe njëri nga vertebrorët më të mëdhenj fluturues që ka jetuar ndonjëherë.

Studiuesit thanë se “bisha” ka të ngjarë të këtë pasur pamjen më të frikshme kur bënte gjahun në qiellin parahistorik të Tokës.

Vlerësohet se speciet e frikshme kanë jetuar së paku para 20 milionë viteve para se një goditje e asteroidit në atë që njihet tani si gadishulli Yucatan në Meksikë zhduki rreth tri të katërtën e jetës në planet para 66 milionë viteve.

Një skuadër e paleontologëve zbuloi që fosilet e reja të thanatosdrakon amaru janë gjetur në malet e Andeve në krahinën perëndimore të Mendozas në Argjentinë.

Lideri i projektit, Leonardo Ortiz tha se fosili ka karakteristike që nuk janë parë kurrë dhe për të kërkohet një emër i ri për gjenin dhe specien, me kombinim të fjalëve antike greke për vdekjen (thanatos) dhe dragoi (drakon).

“Me dukej e përshtatshme ta emëroi në këtë mënyrë”, tha Ortiz, nga Universiteti Kombëtar i Cuyo në Mendoza, transmeton GazetaExpress.  

“Është dragoi i vdekjes”.

Zvarraniku ishte i gjatë sa një autobus shkolle i verdhë me një gjerësi krahësh deri në 9 metra.

Rreth 40 kocka dhe fragmente u zbuluan nga një skuadër e paleontologëve.

Ata thanë se kockat e tij të mëdha dhe fosilet e klasifikojnë atë si specie të re si pterosauri më i madh i zbuluar deri më tani në Amerikën e Jugut dhe një nga më të mëdhenj e zbuluar diku tjetër në botë.

Studiuesit zbuluan së shkëmbinjtë që ruanin mbetjet e zvarranikut janë aty që 86 milionë vite dhe i takojnë periudhës së Kretakut, e cila zgjati nga rreth 145 deri në 66 milionë vite më parë.

“Ne nuk kemi të dhëna aktuale që kjo bishë mund të këtë një trup të modifikuar që është i njëjtë më të”, tha Ortiz.

Studiuesit shkruan në studimin e tyre që Thanatosdrakon “është pterosauri më i madh që fluturoi në qiellin e Kretakut në Amerikën Jugore deri më tani”.

Ata thonë së zbulimi do t’iu mundësojë shkencëtarët “të zgjerojnë njohurit e tyre mbi anatominë e këtij grupi të pterosaurëve”.

Studimi do të publikohet në revistën Cretaceous Research. /GazetaExpress/Përktheu: Ardian Jasiqi/

LEAVE A REPLY

Please enter your comment!
Please enter your name here