6.1 C
Pristina
Tuesday, May 17, 2022
Home SHKENCË/TECH Pajisjet që konsumojnë energji edhe kur nuk përdoren

Pajisjet që konsumojnë energji edhe kur nuk përdoren

Nëse nuk e përdorni një pajisje, mos e lini në prizë. Arsyeja? Edhe ato konsumojnë energji elektrike.

Familjet në Britaninë e Madhe mund të kursejnë mesatarisht 147 paund në vit duke fikur të ashtuquajturat pajisje ‘vampir’, sugjeron një studim i British Gas. Këto janë pajisje elektronike që thithin energji elektrike edhe kur nuk janë në punë.

Shifrat bazohen në një punë kërkimore të kryer në 2019, por janë përditësuar nga British Gas për të pasqyruar rritjet e fundit të çmimeve. Trusti i Kursimit të Energjisë tha se konsumatorët nuk duhet të neglizhojnë cilat pajisje i lënë të ndezura.

Sipas ekspertëve familjet do të kursenin rreth 55 paund në vit duke fikur të gjitha pajisjet që nuk përdoren.

“Statistikat ose çmimet që lidhen me pajisjet individuale varen nga disa faktorë, përfshirë modelin, funksionalitetin dhe përdorimin individual”, thuhet në deklaratë, shkruan BBC.

“Nëse nuk e përdorni një pajisje, atëherë duhet ta hiqni nga priza”, thonë ekspertët.

Në rastin kur në një zgjatues të vendosur për shembull pas televizorit keni vendosur disa pajisje, të cilat nuk i përdorni të gjitha, e mira do ishte t’i ndani. Të vendosni në prizë vetëm atë që ju nevojitet, atëherë kur ju nevojitet.

Të gjithë ato pajisje të cilat qëndrojnë në prizë thithin energji elektrike, që nga karikuesit, mikrovala, dushi, lavatriçja apo printeri.

Sipas ekspertëve, 9 deri në 16 përqind e energjisë që konsumohet në një shtëpi vjen nga këto pajisje të cilat qëndrojnë në prizë, ndonëse nuk përdoren./tvklan.al

LEAVE A REPLY

Please enter your comment!
Please enter your name here

Most Popular

Turma që iu fut valles deri në vdekje: Murtaja e kërcimit që tronditi Strasburgun

Në vitin 1518, një “'murtajë kërcimi" bëri që banorët e qytetit francez Strasburg, që thuhet se kërcenin në mënyrë të pakontrolluar për...

Nga e hëna në të diele, mësoni oraret më të mira për të postuar në Instagram

Mediat sociale vërshojnë jetën tonë! Patjetër që për të hyrë në procesin e leximit të këtij artikulli, ju keni llogarinë tuaj personale...

Ilaçi që zhduk zbokthin

I keni provuar të gjitha medikamente kundër zbokthit dhe nuk keni gjetur shërim? Nëse jeni mërzitur nga ky problem...

Nëse bojleri juaj bën këtë zhurmë, hiqeni menjëherë nga priza

Në rast shpërthimi, bojleri mund të shkaktojë dëme të mëdha materiale apo edhe të marrë jetë. Sipas ekspertëve, bojleri mund të shpërthejë...

Recent Comments