6.1 C
Pristina
Wednesday, May 18, 2022
Home KËSHILLA Pse nuk ka dritë në ngrirje, por në frigorifer po? –  Disa...

Pse nuk ka dritë në ngrirje, por në frigorifer po? –  Disa këshilla për të kursyer energji gjatë përdorimit!

Nëse shumica e ngrirësve, ndryshe nga frigoriferët, nuk janë të pajisur me ndriçim të brendshëm, është thjesht një çështje ekonomike që vjen nga balancimi i kostove dhe përfitimeve. Në fakt, nga këndvështrimi i krijuesve të një produkti, kostoja e instalimit të çdo aksesori nuk duhet të kalojë përfitimin që konsumatorët nxjerrin nga përdorimi i tij.

Në mënyrë të detajuar, sasia për vendosjen e dritës është e njëjtë në frigorifer si në ngrirje, pavarësisht se sa herë hapet dera, dhe avantazhi i dukshëm i saj është lehtësia në gjetjen e ushqimit. Por njerëzit priren t’i hapin frigoriferët e tyre shumë më shpesh sesa ngrirësit, kështu që kostoja e shtimit të një drite në ngrirës tejkalon përfitimet, duke lejuar kështu prodhuesit të kursejnë burime të mëdha. Nëse kjo nuk do të mjaftonte, llamba e ngrirësit mund të jetë më pak e dobishme pasi shpesh do të fshihej nga grumbullimi i akullit.

Dhe duke qenë se frigoriferi është pajisja më e shitur dhe më e përdorur, këtu janë disa këshilla për të shmangur kryerjen e atyre punëve shtesë dhe, për rrjedhojë, të mos paguajmë faturat më të larta:

Kur arredoni kuzhinën, vendoseni frigoriferin larg burimeve të nxehtësisë: mbajeni larg furrave, zjarrit dhe radiatorëve, por kushtojini vëmendje edhe mureve fqinje. Vendoseni të paktën 10 centimetra nga muri i pasmë, për të lejuar ajrosje të mirë të ajrit, përndryshe pajisja do të mbinxehet dhe do të konsumojë më shumë energji. Në të njëjtën kohë, shmangni vendosjen e ushqimit të nxehtë në frigorifer. Para se t’i vendosni, lërini të ftohen në temperaturën e dhomës. Në fakt, nxehtësia është në kontrast me funksionin e ftohjes, duke e detyruar frigoriferin tuaj të punojë jashtë orarit.

Shkrini periodikisht ngrirësin: 5 milimetra akulli i depozituar në ngrirës është i barabartë me 20% më shumë energji elektrike të konsumuar. Gjithashtu, pastroni periodikisht spiralen e vendosur në pjesën e pasme të frigoriferit nga pluhuri i grumbulluar. Ky operacion, që do të kryhet të paktën një herë në vit dhe me energjinë e shkëputur, do të parandalojë mbinxehjen dhe do të parandalojë çdo avari. Në fund, kontrolloni vulat e derës dhe zëvendësojini nëse duken të dëmtuara: është e rëndësishme që dera të mbyllet në mënyrë perfekte në mënyrë që të mos shpërndahet freskia dhe të mos lejohet të hyjë ajri i nxehtë. FCS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.

LEAVE A REPLY

Please enter your comment!
Please enter your name here

Most Popular

Regjimi ushqimor dhe pijet që ndihmojnë në reduktimin e rrezikut të alzheimerit

Sëmundja e Alzheimerit është një sëmundje që lidhet me moshën dhe është lloji më i zakonshëm i demencës. Kjo gjendje kronike shpesh...

Tesla është gati për të marrë para nga kamionët e saj, por ata nuk ekzistojnë ende

Pesë vite pas lajmërimit, Tesla ka hapur rezervimet për kamionët elektrikë Semi, të cilët janë programuar për t’u prodhuar në vitin 2023....

Befasues, i fundit vizatim i Mikelanxhelos!

"CHRISTIE'S" Një vizatim i mahnitshëm, me dorën e Mikelanxhelos (1475-1564) është gjithashtu, i fundit që ka mbetur ende pronësi...

Kulla që bien, kulla që ngrihen

Nga: Ndue Dedaj Një nga humbjet e pak thyeshme të këtyre tridhjetë viteve, kanë qenë kullat e gurta autentike...

Recent Comments