6.1 C
Pristina
Sunday, January 23, 2022
Home SHKENCË/TECH Ekonomistët: Ngrohja globale mund të kushtojë 30 trilionë dollarë në vit deri...

Ekonomistët: Ngrohja globale mund të kushtojë 30 trilionë dollarë në vit deri në vitin 2075

Rezultatet e sondazhit të zhvilluar nga Instituti i Politikave të Universitetit të New York-ut me 738 ekonomistë që jetojnë në vende të ndryshme dhe që janë ekspertë në fushën e ndryshimit të klimës u publikuan me punimin e titulluar “Konsensusi Ekonomik në Ndryshimin e Klimës”, transmeton Anadolu Agency (AA).

Pas studimit të fundit të zhvilluar në vitin 2015 u rritën shqetësimet e ekonomistëve në lidhje me kostot e ndryshimit të klimës.

Rreth 74 për qind e ekonomistëve të anketuar thanë se kërkohet veprim urgjent dhe efektiv për të zvogëluar emetimet. Ndërsa 89 për qind e ekonomistëve theksuan se ndryshimi i klimës do të përkeqësojë pabarazinë në të ardhurat mes vendeve dhe 70 për qind deklaruan se me ngrohjen e planetit do të rritet pabarazia brenda vendeve.

Sipas studimit, 76 për qind e pjesëmarrësve parashikuan se ndryshimi i klimës do të ndikojë negativisht në ritmin e rritjes së ekonomisë globale si dhe në dëmtimin e saj ekonomik.

Ekonomistët ranë dakord se dëmi i parashikuar ekonomik i shkaktuar nga ndryshimi i klimës do të arrijë në 1.7 trilionë dollarë në vit deri në vitin 2025 dhe rreth 30 trilionë dollarë në vit deri në vitin 2075.

Rreth 70 për qind e ekonomistëve pjesëmarrës në hulumtim theksuan se përfitimet e arritjes së synimit neto të emetimit zero deri kah mesi i shekullit do të ishin më shumë se kostoja e kërkuar për të arritur këtë objektiv.

Rezultatet tregojnë se 65 për qind e pjesëmarrësve parashikuan që kostot e para në teknologjitë e energjisë së erës dhe energjisë diellore në vitet e fundit do të ulen në mënyrë të ngjashme edhe në teknologjitë e tjera të energjisë së pastër.

Drejtori i Strategjisë i Institutit të Politikave të Universitetit të New York-ut, Derek Syvlan tha se shumica e ekonomistëve mbështesin uljen e shpejtë të emisioneve, “Gjithashtu ekonomistët janë optimistë për rënien e vazhdueshme të kostove të teknologjive themelore. Ekziston një konsensus i qartë midis këtyre ekspertëve se ruajtja e ‘status quo’-së do të kushtojë shumë më tepër sesa transformimi i energjisë në shkallë të gjerë”.

LEAVE A REPLY

Please enter your comment!
Please enter your name here

Most Popular

Portreti origjinal i Pjetër BUDIT në Vatikan

Biblioteka Apostolike e Vatikanit është një ndër bibliotekat më të pasura në botë, përsa i përket historisë së trojeve shqiptare brenda dhe...

Çfarë të përfshini në CV nëse nuk keni përvojë pune?

Gjetja e një pune, nganjëherë edhe çfarëdo, mund të jetë e vështirë, por është akoma më e vështirë kur nuk keni një...

Ja çfarë i ndodh trupit tuaj nëse ecni çdo ditë

Ekspertët po këshillojnë rregullisht që të mos harrojmë domethënien e aktivitetit fizik. Ecja është aktiviteti fizik më i vjetër...

10-vjeçarja i mbijetoi stuhisë për 18 orë dhe sekreti ishte një qen endacak

Një vajzë 10-vjeçare arriti të mbijetonte 18 orë gjatë natës në një stuhi të ftohtë dimërore në Rusi. Sekreti i saj i...

Recent Comments