6.1 C
Pristina
Wednesday, December 1, 2021
Home KAFSHËT A janë zebrat të bardha me vija të zeza apo të zeza...

A janë zebrat të bardha me vija të zeza apo të zeza me vija të bardha?

Ngjyrat bardhë e zi të lëkurës së zebrës bien në kontrast me kullotat e thata, kafe-jeshile, pa pemë dhe pyjet e savanës në territore si Afrika Lindore dhe Jugore

Zebrat kanë lëkurë kaq të veçantë, por a keni menduar ndonjëherë nëse janë të bardha me vija të zeza apo të zeza me vija të bardha?

Këto vija janë unike për çdo zebër. Sot jetojnë tre lloje zebrash:

Zebra e fushës (Equus quagga)

Zebra malore (E. zebra)

Zebra Grevy (E. grevyi)

Secila prej këtyre specieve ka gjithashtu një model të ndryshëm vijash.

Pavarësisht këtyre modeleve dhe ngjyrave të ndryshme, të gjitha zebrat kanë të njëjtën ngjyrë lëkure: të zezë, tha për Live Science Tim Caro, një ekolog i sjelljes dhe evolucionit dhe biolog në Universitetin e Kalifornisë. Megjithatë, kjo nuk i përgjigjet pyetjes nëse lëkura e tyre është e zezë me vija të bardha apo anasjelltas.

Edhe pse zebrat kanë lëkurë të zezë, procese të ndryshme zhvillimi përcaktojnë ngjyrën e lëkurës, ashtu si një person me lëkurë të çelur mund të ketë flokë të errët.

Në fakt, zebrat kanë më shumë qime me ngjyrë të hapur se sa të errët – barku i tyre është zakonisht i hapur – kështu që mund të mendohet se zebrat janë të bardha me vija të zeza. Por nuk është kështu.

Çdo pjesë e qimeve – si e hapur ashtu edhe e errët – rritet nga një gjëndër e mbushur me qeliza melanocite, sipas një rishikimi të vitit 2005 në Journal of Investigative Dermatology.

Këto qeliza prodhojnë një pigment që përcakton ngjyrën e qimeve dhe lëkurës. Ky pigment njihet si melaninë; shumë melaninë çon në ngjyrë më të errët, si kafe e errët ose e zezë, ndërsa më pak melaninë çon në ngjyra më të lehta, si lajthi ose bionde, sipas Live Science.

Lëkura e zebrave është e mbushur plot me melaninë, por melanina mungon në pjesën e bardhë, sepse folikulat që përbëjnë vijat e qimeve të bardha kanë “fikur” melanocitet, që do të thotë se ato nuk nxjerrin pigment citon Anabel.

Me fjalë të tjera, për zebrat, gjendja e paracaktuar është që të prodhojnë qime të zeza, duke e bërë lëkurën të zezë me vija të bardha, sipas Brittanica.

LEAVE A REPLY

Please enter your comment!
Please enter your name here

Most Popular

Vazhdon të dëshmohet prania e llojeve të rralla të faunës në territorin e Parkut Kombëtar Bjeshkët e Nemuna

Agjencioni për Mbrojtjen e Mjedisit të Kosovës (AMMK) përmes një komunikate njofton se në kuadër të aktiviteteve të rregullta për monitorimin dhe...

Si e shpjegon Barleti emrin e Krujës…

Në librin “Rrethimi i Shkodrës”, botuar në 1504, Barleti shënon: “Na patën rënë në dorë disa shkrime, më tepër...

“Sarajevë, moj motër”, si u fut Nënë Tereza në teatrin e Bosnjes

Libri surprizë i Ylli Polovinës, botuar në Prishtinë Në 324 faqet e librit më të ri të Ylli Polovinës,...

Mbi 80% e shoferëve dështojnë, kush ka përparësi në këtë rast?

Ndodh jo rrallë që qofshin shoferët, çiklistët apo këmbësorët, nuk thonë me zë të lartë “kush ia ka dhënë lejen këtij?”

Recent Comments