Shumë njerëz mendojnë se shamponi nuk është diçka që mund të prishet dhe mund të përdoret pavarësisht se i ka skaduar afati. Një mendim i tillë është i gabuar.
Kohëzgjatja e ruajtjes së çdo produkti është e theksuar në ambalazh, siç është rasti me shamponin.
Etiketa zakonisht ka tre numra, 16, 18 ose 24, që në fakt është numri i muajve deri sa të jetë i sigurt përdorimi i shamponit pas hapjes.
Në përgjithësi, ka një simbol pranë numrit që përfaqëson kapakun, në mënyrë që konsumatorët të mos ngatërrohen kur shohin datën në të cilën është e sigurt përdorimi i shamponit. Shpesh në etiketë thuhet se afati i ruajtjes është tre vjet ose më pak, por në rast se nuk është i hapur.
Megjithatë, me shumë mundësi as që e mbani mend kur e hapni shamponin.
Që shamponit i ka skaduar afati, përveç shenjave, mund të shihet edhe nga ndryshimi i ngjyrës, por edhe i erës. Në disa raste, gunga mund të shfaqen në vetë shamponin.
Shamponi i skaduar nuk është mjaft efektive dhe do t’i bëjë flokët tuaj të duken sikur as nuk i keni larë fare. Për shkak të ndryshimeve të përmendura në përbërje, mund të ndodhë kruajtje ose acarim i vetë lëkurës së kokës. Mund të ndodhin edhe baktere apo edhe infeksione mykotike, shkruan Healthline.
Përbërësit që janë modifikuar kimikisht nuk duhet të aplikohen në lëkurë, sepse depërtojnë në shtresat e saj. Kjo dëmton ndjeshëm folikulin, gjë që mund të çojë në rritjen e humbjes së flokëve.
Nëse tashmë keni zbokth, kruajtje, flokë të yndyrshëm ose rënie të flokëve pas larjes, duhet të kontrolloni shamponin që përdorni./LSh
