Shqipëria është sërish në qendër të mediave italiane. Por kur kanë kaluar vite tashmë nga rënia e komunizmit dhe dyndja e emigrantëve drejt vendit fqinj, duket se situata tashmë ka ndryshuar tërësisht, me italianët e shumtë që po zgjedhin të jetojnë në Shqipëri.
“E keni parasysh shqiptarin që ëndërron Italinë dhe rriskon me gomone për të arritur në tokën e mijëra mundësive, plot dritë në televizionet tona? Ndryshe nga vitet ’90 sot Shqipëria është vendi i mundësive…”
Kështu e fillon artikullin sot gazeta italiane L’Espresso, nën titullin: “Ciao mamma, vado in Albania”(Mirupafshim nënë, po shkoj në Shqipëri).
Në artikullin e Roberto di Caro, jepen disa nga rastet e shumta të italianëve që kanë zgjedhur vendin tonë për të jetuar, ndërsa theksohet se janë me mijëra në Shqipëri.
“Për të thithur investime, në këtë vend ku 60 për qind e eksporteve përfundon në Itali, rol luajnë edhe qarqet e shkurtra të globalizimit, të njëjta për të cilën në Venedik, kioska kineze shesin maska kineze për turistët kinezë të prodhuar në Kinë.
Por në ndryshim nga kjo, në Tiranë, si në bregdetin e Vlorës dhe të Durrësit, kirurgët dhe stomatologët italianë riparojnë dhëmbët, gjinjtë dhe hundët për pacientët italianë në lëvizje, në klinika italiane ose në ndërmarrje të përbashkëta: turizëm mjekësor, çmime atraktive dhe stafi i specializuar, paketat gjithëpërfshirëse me vendpushimin bregdetar fqinj. Shkurt dy zogj me një gur.” thuhet mes të tjerave në artikull.
