6.1 C
Pristina
Thursday, February 25, 2021
Home KËSHILLA Sipas stinës, këto ushqime pastrojnë enët e gjakut

Sipas stinës, këto ushqime pastrojnë enët e gjakut

Enët e gjakut luajnë një rol shumë të rëndësishëm në organizëm. Ato transportojnë ushqyesit dhe oksigjenin nga zemra drejt organeve të tjera.

Në disa raste, enët e gjakut bllokohen duke përbërë pikënisjen e shumë sëmundjeve kardiovaskulare. Të dhënat e agroweb tregojnë se në vitet e fundit, 60% e vdekjeve në vend kanë ndodhur si pasojë e sëmundjeve të zemrës.

Ekspertët kanë identifikuar disa ushqime të shëndetshme të cilat pakësojnë rrezikun e sëmundjeve të tilla dhe ruajnë shëndetin e enëve të gjakut.

Avokado

Avokado është e pasur në proteina, fibër, vitamina dhe minerale. Natyrshëm, konsumi i tyre ndihmon në zhbllokimin e enëve të gjakut. Për më tepër, konsumi ditor i avokados ul kolesterolin e keq me nga 11 deri në 22%. Avokado gjendet në treg gjatë gjithë vitit.

Brokoli

Brokoli përmban shumë vitaminë K që parandalon mpiksjen e gjakut. Fibra tek brokoli ul tensionin e gjakut dhe kolesterolin. Brokoli gjendet në treg nga muaji tetor deri në muajin mars – prill.

Agrumet

Agrumet janë të pasura me pektinë që pastron enët e gjakut dhe ul kolesterolin e keq.Agrumet gjenden në treg gjatë gjithë vitit.

Kafeja

Studiuesit australianë kanë zbuluar se kafeja ul rrezikun e sëmundjeve të zemrës me 20%. Ajo është e pasur me antioksidantë dhe acid klorogenik që parandalon problemet me zemrën.

Mollët

Mjekët thonë se ngrënia e një molle në ditë ul kolesterolin e keq me të paktën 40%. Antioksidantët tek molla kanë aftësinë të shmangin ngurtësimin e enëve të gjakut. Mollët gjenden në treg gjatë vitit.

Spinaqi

Një racion me spinaq në ditë mund t’ju mbrojë nga sëmundjet e zemrës që shkaktohen nga ateroskleroza ose bllokimi i enëve të gjakut. Spinaqi gjendet në treg nga periudha janar – maj dhe shtator-dhjetor.

Peshku

Salmoni, peshku ton, skumbria dhe sardelet janë të pasura me yndyrna të shëndetshme dhe acide yndyrore omega-3 të cilat zhbllokojnë enët e gjakut dhe parandalojnë trombozën. Kujdesuni të konsumoni peshk të freskët.

Arrorët

Arrat dhe bajamet janë veçanërisht mirëbërës për zemrën. Ato janë të pasur me fibër, proteinë, acid alfalinoleik, vitaminë E dhe yndyrna mono-të-pangopura.

Shalqini

Amino acidet tek shalqini zhbllokojnë enët e gjakut dhe ulin tensionin e gjakut. Ekspertët  nënvizojnë se zhbllokimi dhe pastrimi i enëve të gjakut kërkon kohë, por ngrënia e ushqimeve të lartpërmendura e përshpejton këtë proces. Shalqini e ka periudhën nga muaji korrik deri në muajin shtator.

LEAVE A REPLY

Please enter your comment!
Please enter your name here

Most Popular

Ju s’e dinit, por këto gjëra i ndodhin trupit tonë çdo dimër!

Temperaturat e ftohta kanë tendencë që të na mbajnë brenda dhe të na bëjnë më të prekshëm nga viruset dhe infeksionet. Por...

Disa ushqime që i mendonit të shëndetshme, por që nuk duhet t’i konsumoni shpesh!

Shumë prej nesh kanë dëgjuar dhe lexuar informacione në lidhje me disa ushqime që ne besojmë se janë shëndetshme. Mesa duket të...

Si trajtohej gruaja në Statutet e Shkodrës?

Të drejtat dhe detyrimet e gruas në Mesjetë janë një temë jo shumë e lëvruar nga studimet shkencore shqiptare. Është folur shumë...

Kush ishin kryeministrat e Greqisë me origjinë shqiptare…

Gjatë historisë arvanitasit kanë dhënë kontribut në të gjithë fushat e jetës politike dhe kulturore të Greqisë.Ata shënojnë...

Recent Comments