Ka disa shenja që tregojnë se telefoni juaj po gjurmohet, përgjohet ose monitorohet në një farë mënyre. Shenjat mund të jenë mjaft delikate, por kur e dini se çfarë të kërkoni, ato janë mëse të dukshme. Ja cilat janë ato:
1. Tinguj të pazakontë gjatë telefonatave
Nëse ka tinguj si klikim, zëra statikë ose të largët që vijnë përmes telefonit tuaj gjatë bisedave, kjo mund të jetë një shenjë se jeni duke u përgjuar. Kjo nuk është normale për telefonat e sotëm në rrjetet dixhitale. Nëse dëgjoni fragmente zërash, mund të mos jenë në kokën tuaj; ekziston një mundësi e mirë që telefoni juaj të jetë duke u përgjuar.
2. Kapaciteti i baterisë bie shpejt
Një tjetër tregues i një telefoni celular të dëmtuar është ulja e performancës së baterisë. Nëse një telefon celular është duke u përgjuar, ai po regjistron aktivitetet tuaja dhe i transmeton ato tek një palë e tretë. Kjo veprimtari ul ndjeshëm kapacitetin e baterisë suaj sepse ajo po përdoret më shumë se duhet. Një telefon celular i përgjuar gjithashtu mund të regjistrojë vazhdimisht biseda në dhomë, edhe kur telefoni duket se është i papunë. Sigurisht, si rezultat do të përtypet jeta e baterisë. Mund ta provoni këtë duke përdorur baterinë tuaj në një telefon tjetër të të njëjtit model dhe të krahasoni rezultatet.
3. Telefoni tregon se ka aktivitet edhe kur nuk është në përdorim
A po bën zhurmë telefoni juaj apo ekrani i tij ndizet edhe kur nuk e përdorni? Përjashtoni rastet e sinjalizimit të telefonatave dhe mesazheve, telefoni juaj duhet të jetë i heshtur kur nuk është në përdorim. A ju ndodh që rindizet pa asnjë arsye? Nëse po, është e mundur që dikush të ketë qasje në distancë tek pajisja tuaj.
4. Telefoni kërkon një kohë të gjatë për tu mbyllur
Para se të mbyllet një smartphone, duhet të kryejë çdo detyrë që po përpunon. Nëse telefoni juaj po transmeton të dhëna tek dikush, do të duhet të përfundojë procesin përpara se të fiket. Si rezultat, nëse një telefon kërkon më shumë se zakonisht për t’u fikur posaçërisht pas një telefonate, teksti, poste elektronike ose shfletimi në internet, kjo tregon se po dërgon informacione tek një palë e tretë.
5. Temperatura e baterisë është e lartë
Një tregues i mëtejshëm që tregon se me shumë mundsi po përgjiheni është temperatura e baterisë tuaj. Nëse telefoni ndihet i ngrohtë edhe kur nuk e keni përdorur telefonin tuaj, ky mund të jetë një tregues se po transmetohen të dhëna sekrete. Megjithatë kjo është vetëm një tregues i mundshëm, jo domosdoshmërisht vendimtar.
6. Merrni tekste të pazakonta
A po merrni mesazhe me tekste të çuditshme që përmbajnë numra të rastësishëm, simbole ose karaktere? Tipari i telekomandës së softuerit spiun funksionon duke dërguar mesazhe me tekste sekrete të koduara snë telefonin tuaj dhe në disa raste këto mund të shihen nëse softueri nuk po funksionon si duhet. Nëse kjo ndodh rregullisht, mund të keni një aplikacion spiun në telefonin tuaj.
7. Konsumi i lartë i internetit
Disa nga aplikacionet spiunë përdorin të dhëna shtesë për të dërguar informacionin e mbledhur nga telefoni juaj, kështu që kujdesuni për çdo rritje të pashpjegueshme të përdorimit të internetit tuaj. Ndoshta ndryshimi është tepër i vogël, por do të ishte mirë të vëzhgonit edhe ndryshimin më të vogël.
