Nëse keni lëkurë të thatë duhet t’u kushtoni rëndësi të madhe edhe materialeve të rrobave që vishni.
Dermatologu i njohur Joshua Zeichner, ka thënë se ekzistojnë disa pëlhura të caktuara që mund ta përkeqësojnë situatën e lëkurës së thatë.
“Fijet natyrale si pambuku dhe mëndafshi janë më të përshtatshmet. Fijet sintetike, si poliestër, janë të ashpra për fytyrën”, citohet të ketë thënë Zeichner.
Fibrat natyrale janë gjithnjë më të mira, por kjo s’do të thotë se fijet sintetike nuk duhen përdorur në asnjë moment – thjesht duhet të zgjidhni me kujdes. Nëse zgjidhni fibra sintetike, përdorni viskozë – një lloj fibre artificiale që përdor burime natyrore si druri.
Pulovrat e punuara me lesh të ashpër mund të acarojnë lëkurën andaj nuk duhet t’i përdorni.
Pulovrat e zakonshme këshillohet t’i vishni sipër një bluzeje pambuku.
