Qepa është një nga perimet më të mira e të shëndetshme të nëntokës.
Qepa përmirëson imunitetin, rregullon nivelin e sheqerit në gjak, ul kolesterolin, mbron zemrën dhe trajton reumatizmën.
Si ta përdorni qepën kundër sëmundjeve dhe problemeve shëndetësore
Qepa mund të përdoret me efikasitet kundër etheve, rënies së flokëve, infeksioneve të veshit e të tjerë.
Kolla
Qepët përmbajnë sulfur që lufton bakteret dhe mikrobet që shkaktojnë kollë. Prijeni gjysmën e qepës hollë dhe spërkateni me sheqer kaf.
Qepët e sheqerosura mund të hahen dy herë në ditë kundër kollës.
Bllokimi i rrugëve të frymëmarrjes
Përziejeni qepën e grirë me vaj të arrës së kokosit dhe më pas me këtë pastë lyeni kraharorin. Mbulohuni me një peshqir dhe do të vëreni si qepa do të ndihmojë në zhbllokimin e rrugëve të frymëmarrjes nga sekrecionit.
Temperatura
Nëse keni temperaturë, lyejini shputat e këmbëve me vajin e arrës së kokosit dhe më pas në pjesën e harkut vendosni feta të holla qepe. Mbështillini këmbët me qese plastike dhe vishni çorape. Qepët duhet t’i mbani në shputat e këmbës gjithë natën që të përthithin toksinat e të ulin temperaturën.
Të vjellat
Grijeni qepën hollë, vendoseni në një napë dhe shtrydhni lëngun. Më pas shtoni pak çaj nenexhiku të ngrohtë. Pasi lëngu të jetë ftohur, pini dy lugë çaji nga lëngu i qepës dhe 5 minuta më vonë të njëjtën sasi të çajit të nenexhikut.
Këtë trajtim duhet ta përsërisni deri sa të vjellat të mbarojnë.
Infeksionet e veshit
Grini një qepë të plotë dhe më pas futeni në një çorape të pastër pambuku. Atë vendoseni mbi veshin e sëmurë që të përthithë infeksionin.
Qepa për pastrimin e ajrit
Qepën mund ta përdorni edhe për pastrimin e ajrit, duke vendosur copa të saj nëpër zona të ndryshme të shtëpisë.
Ajo do të përthithë të gjitha bakteret dhe viruset nga ajri.
Rënia e flokëve
Zieni një kokërr qepë dhe lëngun e saj përdoreni për të lagur flokun përpara se ta lani me shampoo. Lëngu i qepës do të përshpejtojë rritjen e flokut, do të parandalojë rënien e tij dhe do të zhdukë zbokthin./agroweb/
