Categories: SOCIALE

Agjencia e Ushqimit: S’ka prova shkencore që ushqimi e transmeton koronavirusin

Autoriteti Evropian për Siguri të Ushqimit, nga monitorimet në vendet e prekura me virusin Covid-19, ka konstatuar se aktualisht nuk ka asnjë provë që ushqimi është burim ose rrugë e mundshme e transmetimit të virusit

Kjo është bërë e ditur përmes një postimi në web faqen e Agjencisë së Ushqimit dhe Veterinës të Kosovës.

Kryesuesja shkencore e EFSA-së, Marta Hugas, ka thë në se bazuar në përvojat e shpërthimit të koronavirusëve të mëparshëm, dëshmohet se nuk ndodh transmetimi përmes ushqimit.

“Përvojat nga shpërthimet e koronaviruseve të mëparshëm, të tilla si koronavirusi i sindromës së rëndë respiratore akute (SARS-CoV) dhe koronavirus i sindromës së frymëmarrjes në Lindjen e Mesme (MERS-CoV), tregojnë se transmetimi përmes konsumit të ushqimit nuk ndodh. Për momentin, nuk ka prova që të sugjerojnë që koronavirusi është i ndryshëm në këtë drejtim”, ka thënë Hugas.

Qendra Evropiane për Parandalimin dhe Kontrollin e Sëmundjeve (ECDC) ka thënë se derisa kafshët në Kinë ishin burim i mundshëm i infeksionit fillestar, virusi po përhapet nga një person në person – kryesisht përmes spërklave kur personi tështitet apo kollitet. Më shumë informacion mbi koronavirusin dhe ushqimin mund të gjenden në këtë FAQ nga BfR, organi i vlerësimit të rrezikut të Gjermanisë.

“Shkencëtarët dhe autoritetet në të gjithë botën janë duke monitoruar përhapjen e virusit dhe nuk ka pasur raporte të transmetimit përmes ushqimit. Për këtë arsye, EFSA aktualisht nuk është e përfshirë në përgjigjen ndaj shpërthimeve të COVID-19, por sidoqoftë, EFSA është duke monitoruar literaturën shkencore për ndonjë informacion të ri dhe të rëndësishëm”, thuhet në njoftim.

Po ashtu, lidhur me sigurinë e ushqimit, Organizata Botërore e Shëndetit (OBSH/ë HO) ka publikuar rekomandime paraprake duke përfshirë këshillat për ndjekjen e praktikave të mira të higjienës gjatë trajtimit dhe përgatitjes së ushqimit siç është larja e duarve, gatimi i mishit në tërësi dhe shmangia e kryq kontaminimit të mundshëm mes ushqimeve të pa gatuara dhe të gatuara.

In For Culture

Recent Posts

Çfarë është sindroma Tourette?

Sindroma Tourette është një problem me sistemin nervor që i bën njerëzit të bëjnë lëvizje…

12 hours ago

Si u shndërrua Athina nga Pellazge në Greke

Straboni na tregon se si e morën grekët, Athinën pellazge! Asnjë provë e vetme nuk…

12 hours ago

Nuk i dini? Ja cilat janë produktet që nuk skadojnë pothuajse kurrë

Ekzistojnë disa produkte që nuk skadojnë kurrë. Ato mund të konsumohen në çdo kohë nëse…

12 hours ago

Shoferi i parë që u dënua me gjobë për tejkalim të shpejtësisë, ja sa km/h po voziste

Walter Arnold ka qenë duke drejtuar makinën “Arnold Benz Motor” Cariage, me 12 kilometra në…

12 hours ago

Çfarë janë Venomet?

Venomet janë e drejta kanunore e përpunuar gjatë shekujve në krahinat e Shqipërisë. Para pushtimit…

13 hours ago

12 foto të frikshme të qyteteve kineze ku nuk jeton asnjë njeri – arsyeja do t’ju befasojë

Në Kinë ekzistojnë qindra qytete që kanë çdo gjë që i nevojitet një jetese moderne…

13 hours ago