6.1 C
Pristina
Wednesday, January 20, 2021
Home HISTORI/ARKEOLOGJI Himni i flamurit kombëtar (1913)

Himni i flamurit kombëtar (1913)

Ma mirë dekë me u shue nën hije
T’Flamurit tonë në fushë t’Mejdanit,
Se me rrnue nji jetë robnie
Për në sukuj t’huejë t’Ballkanit.

Gjergj Fishta

Porsi fleta e Ejllit t’Zotit
Po rrehë Flamuri i Shqypnis’?
E thrret t’bijt e Kastrijotit
Me u mbledh tok ndër cetë t’ushtris’?

Bini toskë, ju bini gegë!

Si dy rrfe që shkojn tue djegë!
A ngadhnjyesë a t’gjithë dëshmorë?
Trima mbrendë! Me dorë! Me dorë!

Për mbas Flamurit t’vet shqyptari,
Kur rrokë armët për t’drejta t’veta,
Atje lufta ndezet zharri,
Atje armiku vehet n’t’leta.

Bini toskë! Etj.

Mbi njatë Flamur Perëndija
Me dor t’vet Ai e ka shkrue:
‘’Për shqyptarët do t’jet Shqypnia:
Kush ua prekë, ai kjoftë mallku!’’

Bini toskë! Etje.

Shka? A thue ‘i mend se atë tokë t’bekueme,
Qi vetë Zoti na ka dhanun,
Sod me shkelë kamba e poshtrueme
E nji t’huej t’na kem m’ia lanun?

Bini toskë! Etj.

Ah: jo, kurr. Njiqind herë para
Kem’ me u shkri me gra, me fmi!
Kem’ me mbetë kortarë ndër ara,
Se me shkelë lam t’huej’n n’Shqypni.

Bini toskë! Etj.

M’kambë, Sokola të Shqypnisë!
Flamuri ynë, që, n’ajr po shtiellet
Si po veshet t’Perëndis’,
Kah na ban hie prej qiellet
.
Bini toskë! Etj.

Ma mirë dekë me u shue nën hije
T’Flamurit tonë në fushë t’Mejdanit,
Se me rrnue nji jetë robnie
Për në sukuj t’huejë t’Ballkanit.

Bini toskë! Etj.

Armët e besën na i njeh bota;
Trima n’za kem’ pasun t’Parët
Luften ne na e msoi Kastrijota;
Ke, thue frigë do t’ken Shqyptarët?!

Bini toskë! Etj.

Urra! Djelm, eh u’ u dhashtë e mbara!
Sod a kurrë me dekë p’r Atdhe!
Flamuri i ynë, qe, u nis përpara:
Ndihmo Zot, për Atdhe e Fe!
Bini toskë! Etj.

LEAVE A REPLY

Please enter your comment!
Please enter your name here

Most Popular

3 gjëra që nuk e kishe menduar se mund t’i pastroje me vaj ulliri

Vaji i ullirit përveçse sekreti i shëndetit, qenka edhe një mjet për të pastruar. Ne ju tregojmë tre prej gjërave që mund...

I thani rrobat në radiator? Ja përse është njëra ndër gjërat më të rrezikshme

Në lokalet në të cilat thahen rrobat e lara me detergjent dhe me zbutës është konstatuar numër i lartë i kimikateve të...

Si të largojmë nga rrobat edhe njollat më kokëforta të bojës

Fëmija juaj shfaqi talentin e tij si piktor në bluzën e bardhë të sapo blerë? Mos u shqetësoni. Mund t’i hiqni njollat...

Portretet e grave shqiptare nëpër pikturat e artistëve të njohur botëror (FOTO)

Gratë shqiptare përpos se janë njohur për trimëri e besnikëri, ato bota i ka njohur gjithmonë edhe për bukurinë e pashoq që...

Recent Comments