Michelangelo përdorte kryesisht dorën e djathtë vetëm për mos qenë i paragjykuar nga të tjerët, pasi në realitet ishte mëngjërash.
Edhe pse ishte stërvitur që në moshën e adoleshencës, për të pikturuar me dorën e djathtë, kur vinte puna në përdorimin e çekiçit për të gdhendur skulpturat ai përdorte të majtën.
Këtë përfundim e nxorri eksperti i artit, Davide Lazzeri, që arriti në këtë duke vëzhguar në detaje një autoportret të piktorit të famshëm, ku vërehet së sëmundja e artritit i ka kapur dorën e majtë.
Këto detaje konfirmojnë ato që janë thënë në një biografi të shkruar nga ndihmësi i Michelangelo-s, i cili pohonte se mjeshtri ishte mëngjërash.
“Fshehja e vazhdueshme e natyrës së vërtetë, duket se vinte nga pasoja e paragjykimeve të klerikëve, që kishin për mëngjërashët”, u shpreh Lazzeri.
