Daut Dauti
Në Iberi (Spanja dhe Portugalia e sotme) gjate sundimit mysliman në shek. IX – X, qe shenuar një dukuri interesante e konvertimit te krishterëve në myslimanë. Konvertimi ishte masiv sa që më shumë se gjysma dolën në fenë e re.
Mënyra e konvertimit ka qenë fenomen i çuditshëm. Të krishterët aspirues për myslimanë, së pari visheshin si myslimanët, pastaj e mësonin Kuranin dhe i hynin literaturës islamike. Kjo procedurë ka zgjatur me muaj e ndoshta edhe më gjatë. Dhe, pasi që bëhej në grupe e që merrte kohë, gati qe formuar nje sekt i veçantë që qëndronte mes të qenit i krishter e mysliman.
Të gjorët iberanë tërë atë që duhej ta bënin ishte recitimi i Shahadetit në vete (mënyrë private) por me bindje dhe këtu do të përfundonte procesi. Por jo, ata dëshironin që këtë akt ta bënin publikisht, me stil dhe pompozitet. Më këtë e siguronin më lehtë dhe më shpejtë ngjitjen në shkallët e hierarkisë politike e kulturore.
