NASA ka publikuar 5 fotografi mahnitëse nga hapësira të shkrepura nga teleskopët e saj të fuqishëm. Agjencia hapësinore amerikane i ka quajtur “pesëshja fantastike” dhe emri iu përshtatet më së miri imazheve.
Qendra galaktike
![](https://tvklan.al/wp-content/uploads/2023/09/galaktile-1024x576.jpg)
Qendra e galaktikës tonë është 26.000 milje larg Tokës. Në të ndodhet një vrimë e zezë gjigande, shtëllunga gazi përvëlues, yje të mëdhenj dhe neutrone në të gjitha ngjyrat, nga portokallia te vjollca.
Mbetjet e supernovës Kepler
![](https://tvklan.al/wp-content/uploads/2023/09/kepler-1024x576.jpg)
Kjo është gjithë çfarë ka mbetur nga një yll i bardhë xhuxh, i pikasur rreth 400 vjet më parë që u shua nga një shpërthim termonuklear. Fotoja është shkrepur nga disa teleskopë. Ngjyra blu tregon valën e shpërthimit që përshkoi hapësirën, e kaltra dhe e verdha janë mbetjet ndërsa rrezatimi infra i kuq është fotografuar nga teleskopi Spitzer që nuk funksionon më.
ESO 137-001
![](https://tvklan.al/wp-content/uploads/2023/09/galaktike2-1024x576.jpg)
Emri i kësaj galaktike nuk është aq interesant sa ai i Rrugës së Qumështit, por ka disa karakteristika të veçanta. Teksa lëviz me një shpejtësi prej 1.5 milionë milje në orë, ajo lë pas dy bishta me gaz përvëlues në ngjyrë blu. Ngjyra e kuqe janë atomet e hidrogjenit.
NGC 1365
![](https://tvklan.al/wp-content/uploads/2023/09/galaktike3-1024x576.jpg)
Në qendër të kësaj galaktike ndodhet një vrimë e zezë që ushqehet nga një burim materieje si dhe nga gazi i nxehtë.
Ylli Vela
![](https://tvklan.al/wp-content/uploads/2023/09/vela-1024x576.jpg)
Ky është rezultati i një ylli që shpërtheu dhe përhapi një ‘stuhi’ copëzash dhe energjie në hapësirë.