Kur mendoni për objekte të ndritshme në qiellin e natës, hëna ose Venusi mund të vijnë në mendje.
Por këto objekte zbehen në krahasim me një botë të re, për të cilën shkencëtarët thonë se janë aq ekstreme sa ndoshta nuk duhet të ekzistojnë.
Planeti jashtëzakonisht i nxehtë duket se është i mbështjellë me re metalike të bëra prej titani dhe silikate që reflektojnë 80 për qind të dritës përsëri në hapësirë.
Kjo e bën atë objektin më reflektues të universit të njohur, duke kapërcyer Venusin, e cila reflekton rreth 75 për qind të dritës hyrëse.
“Është një pasqyrë gjigante në hapësirë”, tha James Jenkins nga Universiteti Diego Portales. Planeti, i quajtur LTT9779b, dhe ylli i tij ndodhen rreth 264 vite dritë nga Toka në drejtim të yjësisë.
Diametri i planetit është rreth 4.7 herë më i madh se Toka dhe ai rrotullohet shumë afër yllit të tij, që do të thotë se temperatura e sipërfaqes së tij është rreth 3270°F (1800°C) – më e nxehtë se lava e shkrirë.
Një atmosferë me re me bazë uji, si në Tokë, do të ishte hedhur në erë nga rrezatimi diellor shumë kohë më parë.Por ata besojnë se retë e tij janë metalike, një kombinim i titanit dhe silikatit.
“Ne madje mendojmë se retë mund të kondensohen në pika dhe të ketë shi titani që bie në pjesë të atmosferës,” tha Jenkins.
