Me afrimin e sezonit të Krishtlindjeve dhe Vitit të Ri, studiuesit në Universitetin e Australisë Jugore, po u kujtojnë njerëzve që t’i japin gjithmonë e më shumë përparësi gjumit të mirë. Hulumtimet e reja ngrenë dyshime se gjumi jo i qetë mund të shoqërohet me faktorë rreziku për diabetin e tipit 2
Në studimin e parë, studiuesit zbuluan se njerëzit që raportuan probleme me gjumin kishin, mesatarisht, më shumë gjasa të kishin tregues shëndeti të dobët kardiometabolik, kolesterol dhe peshë trupore, që mund të kontribuojnë në diabetin e tipit 2.about:blank
Studiuesja e UniSA, Dr. Lisa Matricciani thotë se aspekte të ndryshme të gjumit lidhen me faktorët e rrezikut për diabetin. Në Australi, pothuajse një milion të rritur kanë diabet të tipit 2. Në nivel global, diabeti i tipit 2 prek më shumë se 422 milionë njerëz.
Studimi mori në shqyrtim mbi 1000 njerëz me një moshë mesatare 44.8 vjeç. Shumica e pjesëmarrësve (87%) ishin nëna dhe rreth gjysma e pjesëmarrësve (48%) raportuan se kurrë nuk kishin bërë gjumë jo të qetë. Studiuesit shikuan një sërë karakteristikash të gjumit: problemet e gjumit të vetë-raportuara, kohëzgjatja, koha, efikasiteti dhe ndryshueshmëria e kohëzgjatjes së gjumit nga dita në ditë.
