Një grup ish-punonjësish të SpaceX duket se do të shkatërrojnë industrinë 45 miliardë Dollarëshe amerikane të picave me ndihmën e robotit të tyre.
![](https://tvklan.al/wp-content/uploads/2022/10/pica1-1024x562.jpg)
Stellar Pizza, do të gatuajë pica perfekte nga një robot brenda 5 minutash. Synimi i tyre është ruajtja e çmimeve të përballueshme, picat me diametër 30 centimetër do të kushtojnë nga 7-12 Dollarë dhe konsumatorët mund të zgjedhin deri në 10 kombinime shijesh.
![](https://tvklan.al/wp-content/uploads/2022/10/pica2-1024x574.jpg)
Makineria mund të kthejë një top brumi në një rreth dhe të përhapë në sasi të barabarta salcat dhe kombinimet e tjera. Roboti u dizenjua me pajisje elektroshtëpiake, kontrollohet nga një program i posaçëm për të dhe do të vendoset brenda një kamionçine.
![](https://tvklan.al/wp-content/uploads/2022/10/pica3-1024x576.jpg)
Në një video, tregohet procesi i plotë që nga hapja e brumit e deri te vendosja e produkteve. Më pas, pica vendoset brenda një prej katër furrave për t’u pjekur.
![](https://tvklan.al/wp-content/uploads/2022/10/pica4-1024x580.jpg)
Do të ketë edhe punonjës të cilët do t’i dorëzojnë picat klientëve. Stellar Pizza mori edhe një financim prej 16.5 milionë Dollarë nga Jay-Z dhe për herë të parë do të vendoset në Universitetin e Kalifornisë.
![](https://tvklan.al/wp-content/uploads/2022/10/pica5.jpg)
Brumi i picave përgatitet brenda kamionçinës dhe fermentohet për disa ditë që shija të jetë më komplekse dhe e fortë.
I quajtur edhe si “një raketë brenda rrotave”, roboti ka kapacitetin për të bërë 420 pica./tvklan.al