Gjon Kastrioti
Gjon Kastrioti ishte një Princ dhe Fisnik mesjetar Arbëror. Ai lindi në vitin 1380 (ose më herët), ishte djali i Pal Kastriotit si dhe babai i heroit kombëtar shqiptar, Gjergj Kastrioti Skënderbeut.
Ai sundonte një nga Principatat më të fuqishme në historinë mesjetare shqiptare, atë të Kastriotit që shtrihej nga Kepi i Rodonit deri në Dibër. Sundimi i tij zgjati nga viti 1407 deri në vitin 1437. Në dispozicionin e tij ai kishte një ushtri prej 2000 kalorësish.
Gjon Kastrioti u rebelua 2 herë kundër Perandorisë Osmane gjatë viteve 1432-1436, por pa sukses.
Gjoni u martua me Princeshën Arbërore, Vojsava Kastrioti, me të cilën patën 9 fëmijë, 5 vajza dhe 4 djem, nga të cilët më i vogli ishte Gjergji, lindur më 6 maj 1405.
Gjon Kastrioti vdiq më 4 maj 1437 dhe u varros në Manastirin e Hilandarit. Vendi ku ai prehet njihet si “Kulla Arbërore”.
