Përdorni një peshqir
· Uluni në një karrige dhe vendosni një peshqir te këmbët.
· Filloni të kapni peshqirin me gishtërinj.
· Tërhiqni peshqirin me gishtërinj, lëshojini më pas dhe tërhiqeni sërish.
· Ndryshoni këmbët dhe përsëriteni ushtrimin.
· Bëjeni ushtrimin në 2-3 sete me nga 10-15 përsëritje (tërheqje e peshqirit).
Ngrihuni dhe uluni
· Vendoseni peshqirin në një stol ose objekt të sheshtë, mjaftueshëm të fortë për të përballuar peshën tuaj.
· Vendosni një karrige si në foto për t’u mbështetur
· Qëndroni sipër stolit, mblidhni peshqirin me gishtërinj dhe më pas uleni njërën këmbë në tokë.
· Kryeni të njëjtin veprim me këmbën tjetër.
· Bëjeni ushtrimin në dy sete, me 10 përsëritje për secilën këmbë.
Lëvizni topin
· Uluni në një karrige, mbajeni shpinën drejt dhe vendosni një top tenisi nën këmbë.
· Filloni të rrotulloni topin me pjesën e brendshme të shputës. Mos harroni të qëndroni drejtë.
· Bëjeni ushtrimin për 2-3 minuta dhe më pas përsëriteni me këmbën tjetër.
Forconi muskujt
· Uluni në një karrige dhe vendosni njërën këmbë te këmba tjetër, si në foto.
· Vendosni një rrip elastik te shputa dhe mbajeni të shtrënguar me shputën tjetër.
· Më pas, ngrini ngadalë shpunën të cilën e mbani të lidhur me rrip.
· Bëjeni ushtrimin 2 herë, me 10 përsëritje për secilën këmbë.
Ngrini gishtërinjtë gjatë ditës
· Mund ta bëni këtë ushtrim në zyrë, teksa punoni në kompjuter.
· Ngrini gishtërinjtë dhe formoni me to një gjysmë-harku imagjinar.
· Përsëriteni ushtrimin për 5 sekonda për secilën këmbë.
Joga
· Uluni dhe përqëndrohuni te gishtërinjtë e këmbëve.
· Ngrini gishtin e madh sipër. Në të njëjtën kohë, “shtypni” katër gishtërinjtë e tjerë poshtë. Mbajeni kështu për 5 sekonda.
· Më pas, “shtypni” gishtin e madh posht dhe ngrini katër gishtërinjtë e tjerë. Sërish mbajini për 5 sekonda,
· Përsëriteni 10 herë për secilën këmbë.
Përshatur nga Bright Side
