Dje gjatë ditës u raportua se Kremlinit zyrtar i kishte rënë faqja e saj zyrtare në Internet.
Situata në Kremlin ishte alarmuese, pasi sulmet kibernetike nënkuptohej të kishin filluar ndaj tyre, pasi ata kishin sulmuar Ukrainën.
Lufta e Ukrainës tashmë po bartet në luftë kibernetike. Rusisë i ka hapur luftë grupi anonim ‘Anonymous’, të cilët kanë marrë përgjegjësinë për sulmet kibernetike.
Pasi i sulmuan faqen Kremlinit, ‘Anonymous’ rrëzuan edhe faqen e Ministrisë së Jashtme, RT News, Ministrisë së Mbrojtjes dhe Shërbimit Federal Antimonopol.
Grupi i hakerëve janë shprehur se janë të determinuar që të pengojnë Rusinë në misionin e saj agresiv.
