Rrjeti i njohur social, Instagram, ka prezantuar veçorinë e re të quajtur “Private Story Likes” (Pëlqimet e storieve) pa ua dërguar ato sikur mesazhe direkte përdoruesit që ia pëlqeni storien.
Më herët, çfarëdo përgjigje që ia keni dërguar dikujt për një storie – qoftë emoji apo edhe mesazh të plotë – është shfaqur te inboxi i mesazheve. Por me opsionin e ri, mund t’ia pëlqeni dikujt storien pa i shkuar fare te mesazhet.
Me veçorinë e re do të ndryshojë edhe dizajni se si shihen storiet. Në mes të hapësirës për të shkruar mesazhe dhe ikonës së aeroplanit të letrës do të shfaqet një ikonë zemre.
Nëse e klikoni, do ta pëlqeni storien e dikujt.
Po ashtu është bërë e ditur se storiet s’do t’i numërojnë pëlqimet dhe se pëlqimin s’mund ta shohin përdoruesit tjerë.
