6.1 C
Pristina
Tuesday, January 25, 2022
Home HISTORI/ARKEOLOGJI Hamit Skenderi - Zasella, për inat të zyrtares serbe, mbiemrin e ndërron...

Hamit Skenderi – Zasella, për inat të zyrtares serbe, mbiemrin e ndërron në Skenderi për nderë të heroit kombëtar Skënderbeut

HAMIT SKENDERI – ZASELLA, ATDHETAR I DEVOTSHËM DHE ARISMDASHËS I MADH

Hamit Skenderi, i njohur më shumë si Hamit Zasella, është një figurë emblematike, jo vetëm e fshatit Zasellë, por edhe e Mitrovicës dhe më gjerë. Veprimtaria e tij atdhetare dhe ajo për përhapjen e arsimit, alfabetit dhe librit shqip, pothuaj gjatë gjith shekullit XX, kishte kapërcyer kufijtë e katundit të tij të vogël dhe të komunës së Mitrovicës.

U lind më 1896 në Zasellë dhe vdiq më 1978 në Mitrovicë. Kishtë lënë amanet ta varrosin në vendlindje. Varrimi I tij u bë me nderime të larta. Janë tri fshua për të cilat Hamit Zasella ka shpenzuar jetën e tij.

E para: Atdhetarizmi. Të punosh për kombin dhe vendin tënd, sipas tij, ishte qëllimi kryesor i kësaj jete. E dyta: Arsimi. Hamiti ka vlerësuar se mund të jesh atdhetar i mirë edhe pa shkollë, por, nëse nuk ke dituri, nëse nuk di shkrim-lexim dhe nëse nuk mëson të shkruash gjuhën tënde, kontributi  për atdheun është shumë më I zbehtë, kurse realizimi  i aspiratave kombëtare është shumë më I vështirë. Dhe, e treat –Feja. Të jesh me Zotin, sipas tij, është një rrugë e drejtë të besosh në prosperitetin e kombit dhe të vendit tënd. Hamit Zasella ka qenë fetar i madh dhe ka besuar se feja nuk është pengësë për zhvillimin e një kombi, përkundrazi.

Në fillim të Luftës së Dytë Botërorë, Mbretëria jugosllave bëri mobilizimin e përgjithshëm. Në radhët e të mobilizuarve kishte më shumë shqiptarë. Njëri ndër ta ishte edhe Hamit Skenderi. Atë dhe shumë shqiptarë të tjerë i dërguan dhunshëm në Srem të Vojvodinës. Në vitin 1941, ishte zënë rob nga ana e gjermanëve dhe ishte dërguar në një kamp nazist në Gjermani, saktësisht në periferi të Bremenit. Ka qenë patrioti karizmatik shqiptar Xhafer Deva ai që ka intervenuar tek pushteti gjerman për ta kthyer Hamitin në vendlindje.

Për inat të zyrtares serbe, mbiemrin Hamiti e ndërron në Skenderi

Që në fillim,është me rëndësi të flitet për një momënt shumë interesant dhe domethënës për Hamit Zasellën, nga I cili mund të kuptojmë pikpamjet dhe veprimtarinë e tij atdhetare. Është fjala për ndërrimin e mbiemrit nga Ibrahimi në Skenderi, mbiemër të cilin nuk e kishte askush në familjen e tij e as në fshat. Ai e kishe pagëzuar djalin e dytë të tij me ermin Skender për shkak të respektit të thellë që kishte për figurën më të ndritshmë të popullit tonë, heroin kombëtar Skënderbeun. Në vitin 1956, pasi që kishte rënë në konflikt me një nënpunëse serbe rreth emrit të Skenderit, sepse zyrtares serbe ky emër nuk i pëlqente fare dhe nuk donte t’ia lëshonte certifikatën e lindjes me emrin Skender. Fillon përplasja verbale me nënpunësen serbe dhe Hamiti I thotë asaj se tani e tutje, jo vetëm emrin, por edhe mbiemrin e tij ke për ta shkruar Skenderi në certifikatën që do ta lëshosh me dorën tënde.

Dhe vërtetë kjo edhe kishte ndodhur. Hamiti për inat të saj shkon dhe mbiemrin Ibrahimi e ndërron me mbiemrin Skenderi. Kështu që nënpunësja serbe, edhe pse kishte thënë se kjo kurrë nuk do të ndodhë, detyrohet që për djalin e tij të lëshoj certifikatën e lindjes, ku emir Skender shkruhej dy herë, pra Skender Skenderi.

Shkëputur nga libri: ZASELLA – VATËR E BUJARISË, TRINËRISË DHE DIJES NGA HYSNI SYLA /InforCulture.info

LEAVE A REPLY

Please enter your comment!
Please enter your name here

Most Popular

Do habiteni/Receta që mban zemrën e shëndetshme

Limoni dhe hudhra përdoren zakonisht për të marinuar mishin ose për t’i shtuar më shumë shije sallatës. Por duket...

Nën këmbët tona, shkencëtarët zbulojnë shenja të një strukture të fshehur brenda bërthamës së Tokës

Shkencëtarë kanë zbuluar shenja të një strukture të fshehur brenda bërthamës së Tokës. Duke folur për këtë zbulim ata janë shprehur se...

“Gjuha shqipe është më e vjetër se greqishtja dhe latinishtja”

Në librin “Etnologjia e Shqiptarëve” , Kristo Frashëri na e paraqet zbërthimin që Sami Frashëri i kishte bërë...

Darka e Lamës!

Siç dihet nga e kaluara jonë e lashtë ndër vite, shqiptarët kanë trashëguar doke dhe tradita të sakrifikimit, përkujtimit, gëzimit dhe falenderimit.

Recent Comments