Një nënë nga India ka ndjekur një leopard për afro një milje, duke luftuar me të në tentim që ta shpëtojë të birin e saj 8-vjeçar.
Gruaja e identifikuar si Kiran Baiga, ishte duke punuar rreth orës 19:00 në pasditen e 28 nëntorit, kur leopardi “rrëmbeu” djaloshin Rahul që po qëndronte ulur shumë afër saj.
Kur pa se leopardi po ikte, ajo i vu pas dhe e ndoqi mbi një milje. Siç raporton Granthshala India, Baiga e goditi leopardin me shkop derisa ia lëshoi të birin. Aty leopardi iu vërsul Baigas dhe ajo kapi shkopin me të cilin e shtyu.
Aty i dolën në ndihmë banorët e tjerë, e leopardi iku në pyll. Megjithatë Baiga humbi vetëdijen dhe kur u zgjua pa veten se kishte përfunduar në spital.
Si pasojë e sulmit, Baiga dhe i biri i saj kishin pësuar lëndime, por pas trajtimit rimorën veten.
