A i thani rrobat në apartament?
Arsyet pse nuk duhet ta bëni këtë janë të shumta.
Përveç faktit se në mure mund të shfaqet lagështi, situata rëndohet edhe më shumë nëse gjatë larjes shtoni zbutës. Avujt që përmbajnë substanca të dëmshme mund të shfaqen gjatë tharjes së rrobave.
Tharja e rrobave në vjeshtë dhe dimër zakonisht duket e njëjtë në të gjitha shtëpitë. Tharëse e shtrirë në dhomën e ndenjes ose dhomës së gjumit, radiatorë të zbukuruar me çorape dhe rroba tjera.
Megjithatë, ekspertët thonë kjo nuk duhet të bëhet për shkak të lagështisë që lëshojnë rrobat.
Kjo është veçanërisht e keqe për astmatikët dhe njerëzit e prirur ndaj alergjive, paralajmërojnë ekspertët. Kjo praktikë e tharjes së rrobave brenda katër mureve është e lidhur ngushtë me përqendrimin e lartë të merimangave dhe mykyt.
Rosalie Menon, një shkencëtare që merret me cilësinë e jetës, së bashku me kolegun e saj Colin Porteus, përpiluan një udhëzues për një shtëpi më të shëndetshme në të cilën ajo përpiqet të zgjidhë problemin e tharjes së rrobave në ambiente të mbyllura.
Ajo këshillon që kjo praktikë të shmanget, dhe nëse kjo nuk është e mundur, atëherë duhet ajrosur mirë banesën herë pas here. Ajo thekson gjithashtu se rrobat nuk duhet të thahen në të njëjtën dhomë ku flini.
Nëse jeni në gjendje, merrni një tharëse dhe thani ato pak, sepse kjo do t’ju shpëtojë shëndetin.
