Imazhet në Facebook të një krijese të çuditshme të shfaqur në brigjet e Australisë kanë bërë xhiron e rrjetit.
Gjallesa e tejdukshme në ngjyrë rozë pluskonte në ujërat e cekëta të Urangan Beach në Queensland.
Disa e kanë quajtur “aliene”, të tjerë mendojnë se është një peshk gur, i cili është tejet helmues dhe mund të vrasë një njeri në më pak se një orë. Spekulime të tjera thonë se mund të jetë një lloj kandili deti, pjesë trupi e ndonjë kafshe tjetër ujore ose mund të mos jetë aspak një gjallesë detare.
Por, versioni shkencor nga National Geography është se kafsha quhet nudibranch dhe gjendet zakonisht në fund të oqeanit.
Ajo bën pjesë në familjen e ligavecëve të detit. Deri më tani janë zbuluar rreth 2000 prej tyre, pasi është një lloj që ka ngjallur kureshtjen e shkencëtarëve detarë.
