Gjatë gërmimeve të tyre, arkeologët gjetën portën hyrëse të Tempullit të Zeusit në Ortaklar të Turqisë jugore.
Në qytetin antik u zbuluan faltorja e Artemidës, një stadium, një zonë teatri, 80 statuja dhe sende të tjera të ndryshme. Profesori i Departamentit të Arkeologjisë të Universitetit të Ankarasë, Görkem Kökdemir, tha se Magnesia ka qenë një qytet me emër në kohët e lashta dhe festivalet e saj fetare të mbajtura në tempuj dhe vende të shenjta, ishin të famshme atëherë.
![](https://njekomb.org/wp-content/uploads/2021/09/147686-904x600.jpg)
“Ne mendojmë se tempulli që gjetëm në këtë zonë është po aq i rëndësishëm në historinë e arkitekturës sa dhe Tempulli i katërt më i madh i Artemidës në Anadoll.
Është një tempull kushtuar Zeusit,” u shpreh ai. Zona ishte gërmuar më parë nga gjermanët të cilët morën me vete disa objekte të Tempullit të Zeusit që sot janë të ekspozuara në Muzeun e Pergamonit në Berlin.
![](https://njekomb.org/wp-content/uploads/2021/09/114944_20210926_2_50182551_69084304_1632750808828.jpg)
“Vitin tjetër, do të zbulojmë origjinën e strukturës së gjendur në muzeun e Berlinit. Kjo është një gjë e jashtëzakonshme, me një rëndësi shumë të madhe si për literaturën arkeologjike ashtu edhe për turizmin. Kur ta nxjerrim plotësisht këtë tempull, sytë e komunitetit arkeologjik të të gjithë botës do të drejtohen këtu, tha Kokdemir.
![](https://njekomb.org/wp-content/uploads/2021/09/114945_20210926_2_50182551_69084305_1632750987041.jpg)