Çdo ndarje nga pronari për qenin është një përvojë e pakëndshme, madje traumatike, por me kalimin e kohës, ata mësohen me të.

Sipas një studimi nga “Compare the Market”, qentë ndiejnë shqetësimin më të madh kur qëndrojnë në dhomën e gjumit, dhe më së paku kur janë në kuzhinë dhe në dhomën e ndenjës, transmeton Telegrafi.

Një studim britanik që përfshinte një mijë pronarë qensh u krye në një mënyrë të tillë që rrahjet e zemrës së qenve të mateshin në secilën nga dhomat e shtëpisë dhe u përcaktua që rrahjet e tyre të zemrës ishin më të shpejtat në dhomën e gjumit.

Pjesa e dytë më e pakëndshme e një shtëpie për qentë është tarraca, kanë treguar hulumtimet.

Në kuzhinë dhe në dhomën e ndenjës, qentë ndihen më të qetë dhe shkencëtarët e shpjegojnë atë nga fakti që ata lidhin këto dhoma me rezultate pozitive.

Në kuzhinë ata hanë vaktet e tyre, ndërsa dhoma e ndenjës i shoqëron me përqafimet me pronarin, kur pronari është duke parë TV dhe qeni afrohet pranë tij ose luan me pronarin.

Qentë mund të ndjehen të hutuar nëse lihen në dhomën e gjumit, sepse e dinë që pronarët e tyre e përdorin atë dhomë vetëm për të fjetur. Përveç kësaj, disa qen nuk i pëlqejnë hapësirat që i kufizojnë, kështu që ata do të ndihen më të pakëndshëm në tarracë sesa në kuzhinë ose dhomën e ndenjes.

LEAVE A REPLY

Please enter your comment!
Please enter your name here