6.1 C
Pristina
Thursday, May 6, 2021
Home KËSHILLA Arsyet më të zakonshme që po ju shkaktojnë ‘dhëmbë të verdhë’

Arsyet më të zakonshme që po ju shkaktojnë ‘dhëmbë të verdhë’

Kur bëhet fjalë për dhëmbët, parandalimi është gjithmonë më i mirë se kurimi. Megjithatë, nëse sapo keni bërë zbardhimin e dhëmbëve, ose po mendoni ta bëni, është mirë të dini si ta mirëmbani ngjyrën në vazhdim. Ja çfarë i shkakton zakonisht dhëmbët “e verdhë”:

1. Kafeja, vera e kuqe 

Kafeja është një fajtor i njohur për dhëmbët. Nëse e pini rregullisht dhe nuk e shpëlani gojën me ujë pasi ta keni pirë, pigmentet e errëta të quajtura kromogjenë në kafe mund të ngjiten në sipërfaqen e smaltit të dhëmbëve, duke bërë që ato të errësohen me kalimin e kohës. Edhe vera e kuqe ka efekt të ngjashëm, prandaj rekomandohet të pihet ujë me ndërprerje për të ndihmuar në zvogëlimin e efektit të ngjyrosjes. Përveç tyre, sigurisht që ka edhe pije të tjera, si për shembull çajrat e zinj. 

Shtimi i qumështit në çaj ose kafe mund të ndihmojë në uljen e këtij efekti. Plus, qumështi është një burim i mirë i kalciumit që është i rëndësishëm për shëndetin e dhëmbëve!

2. Ushqimet që “lënë njolla”

Ashtu si pijet, çdo ushqim që lë njollë në gishta, ka të ngjarë të njollosë edhe dhëmbët tuaj. Përmendim këtu manaferrat, panxharin etj.

3. Pijet “acidike”

Nëse keni menduar se vera e bardhë ishte një alternativë pa njolla ndaj të kuqes, na vjen keq t’ju zhgënjejmë. Aciditeti i disa verërave mund të zbusë smaltin e dhëmbëve, duke i bërë dhëmbët më të prirur ndaj njollave nga ushqimet dhe pijet e tjera. Pijet e gazuara mund të ndikojnë gjithashtu për keq – për shkak të përmbajtjes së sheqerit, acidit dhe pigmenteve. Mund t’i konsumoni, por me moderim. 

4. Mos konsumimi i duhur i sasisë së ujit

Pirja e sasisë së rekomanduar të ujit gjatë gjithë ditës është e rëndësishme për hidratimin, por gjithashtu mund të ndihmojë në shpëlarjen e substancave ngjyrosëse të mbetura në dhëmbë.

5. Pirja e duhanit

Ka shumë arsye shëndetësore për të lënë duhanin tashmë, por ai është gjithashtu një shkak kryesor i ngjyrimit të dhëmbëve. Përveç kësaj, duhani ndikon dhe në sëmundjet në mishrat e dhëmbëve e deri tek kanceri i gojës.

6. Mungesa e një filli dentar, e pastrimit të rregullt

Pllaka dentare që formohet në sipërfaqet e dhëmbëve tenton të mbajë njollat, dhe higjiena e mirë e gojës ndihmon në zvogëlimin e grumbullimit të këtyre pllakave. Stomatologët rekomandojnë pastrimin e dhëmbëve dy herë në ditë, mundësisht përdorimin e pastës së dhëmbëve me fluor, si dhe përdorimin e fillit të dhëmbëve (fillin dentar). 

7. Mungesa e një kontrolli të rregullt tek dentisti

Kontrolli i rregullt me stomatologun është baza e çdo gjëje që ka lidhje me shëndetin oral. Nëse e anashkaloni, mund të përballeni me probleme më serioze e për pasojë, më të kushtueshme në të ardhmen.

LEAVE A REPLY

Please enter your comment!
Please enter your name here

Most Popular

Historia e kanalit të Suezit i cili u inagurua nga shqiptari Ismail Pashai, pjesë e familjes së Khedive të Egjiptit dhe Sudanit

Kanali i Suezit shtrihet 120 milje nga Port Said në Detin Mesdhe në Egjipt në jug në qytetin e Suez. Kanali ndan...

“Nëse dëshiron që njëqind shqiptarë të heshtin, duhesh të vrasësh nëntëdhjetë e nëntë”

“Nga thëniet të cilat mbledhim nëpër lista të caktuara duhet përfshirë edhe ato të cilat nuk na pëlqejnë, por që i takojnë...

Kulla: Një mënyrë shekullore e jetës në veri të Shqipërisë

Ngritur në mes të maleve dhe fshatrave në veri të Shqipërisë gjenden disa shtëpi prej guri të njohura si kulla, që në...

Camaj dhe Koliqi pjesë e spiunazhit të huaj, publikimi i Tares ndez debatin mes studiueseve

Studimi i publikuar së fundmi nga historiani Auron Tare për dy shkrimtarët e shquar shqiptarë, Martin Camaj dhe Ernest Koliqi, ka nxitur një...

Recent Comments