6.1 C
Pristina
Thursday, May 6, 2021
Home ART Si sot, në vitin 1906 lindi skulptori kroat Vanja Radauš/U bë i...

Si sot, në vitin 1906 lindi skulptori kroat Vanja Radauš/U bë i njohur në Shqipëri me skicat kushtuar Skenderbeut

Si sot, në vitin 1906 lindi skulptori kroat Vanja Radauš (Vinkovci, 29 prill 1906 – Zagreb, 24 prill 1975), i njohur me skulpturat e t’ia në gjithë botën. U bë i njohur edhe në Shqipëri me skica të tij kushtuar Skënderbeut në vitin 1937!
Vanja Radauš u diplomua më 1930 në Akademinë e Arteve të Bukura në Zagreb, klasa e skulptorit të madh Ivan Meštrović. Gjatë viteve 1931-32 vepronte edhe në Paris. Nga viti 1940 ai bëhet profesor në Akademinë e Arteve të Bukura 1945-69, ku drejtoi Punëtorinë Mjeshtërore për Skulpturë 1950-75. Ka qenë anëtar i Akademisë së Shkencave dhe të Arteve të Kroacisë që nga viti 1947. Në fillim, ai u ndikua nga skulptorët, I. Meštrović, A. Rodin dhe É. A. Bourdelle. U bë i njohur edhe në Shqipëri me rastin e shënimit të 25-vjetorit të Pavarësisë (1937), vit ky kur Qeveria e Zogut, kishte shpallur konkurs për ta ngritur përmendoren e Gjergj Kastriotit-Skënderbeut në Tiranë. Atëherë, skulptori tashmë i njohur, Vanja Radauš mori pjesë me dy skica, mirëpo, po në këtë Konkurs u përzgjedh boceti i bashkëvendësit dhe bashkëpunëtorit/bashkëautorit të tij të afërt, skulptorit të madh kroat e botëror, Аntun Augustinčić (1900-1979). Për shkaqe të pushtimit Italian të Shqipërisë (1939), monumenti i Augustinčić, “Gjergj Kastrioti-Skënderbeu“, mbeti i parealizuar, ndërsa boceti i përgjedhur sot ruhet në Arkivin e Akademisë së Shkencave dhe Arteve të Kroacisë, HAZU. Po këtu, fshihen edhe dy skica të Radauš (që jemi duke i postuar), që u vlerësuan lartë nga juria e përzgjedhur nga Qeveria e Shqipërisë!

Marrë nga profili në facebook i Jahja Drancollit /InforCulture.info

May be a black-and-white image
May be an image of monument

LEAVE A REPLY

Please enter your comment!
Please enter your name here

Most Popular

Historia e kanalit të Suezit i cili u inagurua nga shqiptari Ismail Pashai, pjesë e familjes së Khedive të Egjiptit dhe Sudanit

Kanali i Suezit shtrihet 120 milje nga Port Said në Detin Mesdhe në Egjipt në jug në qytetin e Suez. Kanali ndan...

“Nëse dëshiron që njëqind shqiptarë të heshtin, duhesh të vrasësh nëntëdhjetë e nëntë”

“Nga thëniet të cilat mbledhim nëpër lista të caktuara duhet përfshirë edhe ato të cilat nuk na pëlqejnë, por që i takojnë...

Kulla: Një mënyrë shekullore e jetës në veri të Shqipërisë

Ngritur në mes të maleve dhe fshatrave në veri të Shqipërisë gjenden disa shtëpi prej guri të njohura si kulla, që në...

Camaj dhe Koliqi pjesë e spiunazhit të huaj, publikimi i Tares ndez debatin mes studiueseve

Studimi i publikuar së fundmi nga historiani Auron Tare për dy shkrimtarët e shquar shqiptarë, Martin Camaj dhe Ernest Koliqi, ka nxitur një...

Recent Comments