Në Shtetet e Bashkuara të Amerikës janë regjistruar më shumë vdekje nga COVID-19 sesa numri total i amerikanëve të vrarë në luftime gjatë Luftës së Dytë Botërore, lufta më e përgjakshme në histori.
Sipas Departamentit të Çështjeve të Veteranëve, SHBA-të regjistruan 291 557 vdekje në beteja gjatë Luftës së Dytë Botërore. Nga e enjtja e javës së kaluar, kishte 291 754 vdekje nga COVID-19 në SHBA, sipas të dhënave të përpiluara nga Universiteti Johns Hopkins.
Pandemia e koronavirusit u kishte marrë jetën më shumë amerikanëve sesa Lufta e Vietnamit në fund të prillit.Ju pëlqen!
Dhe rreth mesit të majit, numri i të vdekurve nga SHBA nga COVID-19 e kishte tejkaluar numrin e amerikanëve të vrarë në betejë në çdo konflikt të madh që nga viti 1945 – gati 87 000. Aktualisht, numri i amerikanëve të vdekur nga COVID-19 është gati sa gjysma e totalit të të vdekurve në Luftën Civile – rreth 620 000 – e cila ishte lufta më e përgjakshme në historinë amerikane.
SHBA-të kanë pasur që në krye të herës numrin më të madh të rasteve dhe viktimave të konfirmuara nga COVID-19 në botë. Sipas “Johns Hopkins”, rastet i tejkaluan 15.5 milionë të enjten.
Kryetarja e Dhomës, Nancy Pelosi, të enjten në mëngjes tha se numri i të vdekurve në SHBA nga COVID-19 do ta kalonte numrin e përgjithshëm të ushtarëve amerikanë të vrarë në betejë gjatë Luftës së Dytë Botërore.
Pelosi tha se lufta ka bashkuar kombin, por që Presidenti Donald Trump nuk është një president “bashkues”.
“Ne nuk kemi një president unifikues. Në të vërtetë, ne kemi një president i cili e quan COVID-19 një mashtrim. Kjo është arsyeja pse shumë mijëra të tjerë kanë vdekur”, tha Pelosi.
Trump është kritikuar gjerësisht për reagimin e tij ndaj përhapjes së COVID-19 në SHBA dhe sondazhet kanë treguar vazhdimisht se shumica e amerikanëve nuk e mbështesin mënyrën se si e ka menaxhuar ai pandeminë.
