Categories: KËSHILLA

Kurat natyrale që mund t’i përdorni për trajtimin e dhimbjeve të këmbëve

Dhimbja e këmbëve është një problem shumë i përhapur që prek njerëz të të gjitha grupmoshave.

Intensiteti i dhimbjes është i ndryshëm dhe mund të kulmojë me ndjesinë e dhimbjes së padurueshme. Dhimbja mund të prekë të dyja këmbët dhe shkaktohet nga kontraktimet muskulare, lodhjet muskulare, ushqyerja e keqe, dehidratimi ose qëndrimi në këmbë për një kohë të gjatë.

Shkaktarë të tjerë të dhimbjes janë tromboza, diabeti, artriti, variçet dhe dëmtimet nervore. Më poshtë do të gjeni të listuara nga AgroWeb, kurat natyrale që lehtësojnë dhimbjen, të cilat mund t’i përdorni në kushtet e shtëpisë.

Kompresat e ftohta

Mbështillni disa kuba akulli në një peshqir të hollë dhe vendosini në zonën e dhimbjes për 10-15 minuta. Këmbën ose këmbët duhet t’i mbani lehtas të ngritura.

Kompresat mund t’i vendosni disa herë në ditë. Akulli nuk duhet vendosur direkt në lëkurë.

Masazhet

Masazh nxit shërimin e shpejtë të muskujve të dëmtuar.

Mjafton një masazh i lehtë 10 minutësh sidomos pas dëmtimeve të shkaktuara gjatë një aktiviteti fizik.

Për masazh mund të përdorni vaj ulliri ose vaj arre kokosi.

Uthulla e mollës

Uthulla e mollës shkrin kristalet e acidit urik në gjak dhe largon toksinat e akumuluara në inde. Për më tepër, uthulla ofron kalium, kalçium dhe minerale të tjera mirëbërëse.

Mbajini këmbët në një vaskë ose legen të mbushur me ujë dhe me pak uthull për të paktën 30 minuta. Një kurë tjetër është me uthull molle dhe mjaltë. Përzieni një ose dy lugë gjelle me uthull molle të pafiltruar në një gotë me ujë të ngrohtë dhe pak mjaltë. Pijeni këtë lëng dy herë në ditë.

Xhenxhefili

Xhenxhefili përmirëson qarkullimin e gjakut dhe largon dhimbjen e këmbëve. Përdorni vaj xhenxhefili për të masazhuar këmbën dy ose tre herë në ditë.

Pini çaj xhenxhefili me limon dhe mjaltë dy ose tre herë në ditë. Kujdes me xhenxhefilin, mos e teproni sepse hollon gjakun.

Limoni

Kjo agrume është e pasur me antioksidantë që lehtësojnë dhimbjen dhe ekuilibrojnë pehashin në organizëm. Përdorni lëng limoni për masazh ose pini ujë me limon dhe mjaltë dy herë në ditë.

Vitamina D

Njerëzit që kanë mungesa të kësaj vitamine, përballen shpesh me simptoma jo specifike të dhimbjes së këmbës, mesit, trupit, dhe gjymtyrëve të sipërme. Kjo vitaminë rregullon funksionin e kalçiumit dhe fosforit, dy minerale thelbësore për nervat dhe muskujt.

Shijoni rrezet e para të mëngjesit çdo ditë për 10 deri në 15 minuta. Konsumoni shumë salmon, sardele, qumësht, lëng portokalli e të tjerë.

Kaliumi

Mungesa e kaliumit shkakton dhimbje të këmbëve dhe dehidratim. Konsumoni më shumë me patate të ëmbël, banane, kumbulla, rrush të thatë dhe lëng domate për të marrë më shumë kalium.

Këshilla të tjera

Pini dy ose tre filxhanë me çaj mali ose çaj jeshil çdo ditë. Mbani nën kontroll tensionin e gjakut dhe kolesterolin. Mos pini alkol apo duhan. Bëni ushtrime të lehta fizike për 10 minuta në ditë./

In For Culture

Recent Posts

Para Vlorës, flamuri i pavarësisë u valëvit… ku?

Pak orë, na ndajnë nga festa e madhe e pavarësisë së Shqipërisë.  Teksa qyteti i…

14 mins ago

A e largon kafeja dhimbjen e kokës?

Dhimbja e kokës ka efekt ngadalësues për të gjithë organizmin. Njeriu kërkon shpëtim të menjëhershëm…

16 mins ago

​Largoni dhimbjen e kokës pa ilaçe: Përbërësit e fshehtë i kemi të gjithë në shtëpi

Dhimbjet e kokës shpesh nuk shkaktohen nga sëmundje, por nga patogjenë që janë pjesë e…

31 mins ago

Mësoni vitaminat që ju mbrojnë nga COVID-19

Marrja e vitaminave është një nga mënyrat më të  mira për të luftuar çfarëdolloj sëmundjeje.…

52 mins ago

Spastrimi etnik ndaj shqiptarëve të Follolinës dhe Prespës me ndihmën e ushtrisë franceze (Foto)

Fotografitë e sjellura më poshtë tregojnë historinë e dhimbshme të spastrimit etnik të shqiptarëve të…

3 hours ago

Historina e “Ditës së Falenderimeve” në Amerikë

Në vjeshtën e vitit 1621, pelegrinët festuan të korrat e para të suksesshme duke qëlluar…

4 hours ago