Categories: HISTORI/ARKEOLOGJI

Kush ishte faraoni korçar që i riktheu shkëlqimin Egjiptit?

Historia e shqiptarëve është një epope e ndritur. Do të ishte korçari Mehmet Ali Pasha me dinastinë e tij që do t’i rikthente shkëlqimin Egjiptit madhështor të faraonëve dhe piramidave.

Historia e shkëlqimit të tij është një histori e jashtëzakonshme gati gati përrallore, por për fat të mirë të shqiptarëve dhe e vërtetë. Ai do të lindte në Zëmblak të Korçës në vitin 1769. Familja e tij u shpërngul hershëm në Kavalla të Greqisë. Mehmet Aliu ishte fëmija i shtatëmbëdhjetë nga fëmijët e zëmblakasit, Ibrahim agait, të cilët vdiqën njëri pas tjetrit.

Detyrën e parë publike ai do ta përmbushte në moshën 18 vjeçare. Së bashku me dhjetë vetë të armatosur shkoi për të bindur një fshat aty afër, të paguante taksat. Pasi i fut në xhami katër të parët e fshatit, u premtoi se nuk do të dilnin të gjallë nëse fshati nuk paguante taksat.

Në Egjipt fillimisht do të shkonte si një ushtar i thjeshtë i Portës së Lartë, por falë aftësive të tij dhe zgjuarsisë së madhe që kishte por dhe falë trimërisë do të bëhej komandant dhe me kalimin e kohës dhe pasha.

Ishte interesante një fakt. Ai nuk dinte të shkruante dhe fliste vetëm shqip. Po kjo nuk e pengoi të bënte karrierë ushtarake. Në ditët kur Napoleon Bonoparti pushtoi Egjiptin, i cili që nga koha e sulltan Selimit kishte qenë pjesë e pandashme e perandorisë osmane, Mehmet Aliu ashtu si shumë myslimanë të tjerë, shtetas të perandorisë u ngrit për të mbrojtur këtë tokë të perandorisë osmane nga kolonizatorët e rinj.

Në krye të një batalioni shqiptarësh, Mehmet Aliu marshoi drejt Egjiptit dhe mbas shumë përpjekjesh luftarake me francezët më në fund e çliroi Egjiptin nga zgjedha franceze. Pas çlirimit të Egjiptit dhe mosmarrëveshjeve të ndryshme civile në vitin 1805, Mehmet Aliu me ndihmën e sheikut Azhar do të merrte fermanin e sulltanit për t’u bërë guvernator i Egjiptit dhe mori titullin Pasha.

Egjipti i asaj kohe ishte zhytur në varfëri ekstreme. Ndaj duke parë këtë gjendje katastrofike ai do të ndërmerte disa reforma shumë të rëndësishme. Ai i dha hov bujqësisë, industrisë e tregtisë duke rritur mirëqënien e vendit. Në Aleksandri, Rozet, Damiet nisën të ndërtoheshin fabrika të mëdha dhe gjatë kësaj kohe më shumë se njëmijë anije tregtare përshkonin Nilin.

Me mbështetjen e francezëve u zhvilluan shumë ekspedita arkeologjike duke e kthyer vendin në lulëzimin e dikurshëm. Pikërisht gjatë kësaj kohe kemi zbërthimin e hieroglifeve të famshme e shumë studime të rëndësishme.

Në vitin 1824 plasën kryengritjet në Greqi. Sulltan Mahmudi i II-të që nuk mund të shtypte dot rebelimin grek thirri në ndihmë Mehmed Aliun, i cili në krye të ekspeditës do të çojë djalin e tij, Ibrahim Pashën. Ky i fundit do të shuajë dhe shtypë revoltat në Greqi. Me fitoren e kësaj lufte Mehmet Aliu do të shpërblehej nga sulltani dhe do të bëhert guvernator i Kretës.

Por kjo gjë nuk i pëlqeu fuqive të mëdha (Britanisë, Francës dhe Rusisë). Këto të fundit duke parë shtrirjen e gjerë të Mehmet Ali Pashës nga Sudani deri në Kretë, më 1827 dërguan forcat e tyre për të luftuar me Ibrahim Pashën, të birin, dhe ky i fundit pas përplasjes me fuqitë e mëdha u thye dhe u detyrua që të lëshojë pe për shtypjen e terrorizmit grek. Ai la në fushën e betejës rreth 93 anije lufte.

Pikërisht gjatë kësaj kohe do të fillonte lëvizja vahabiste që kishte pushtuar Mekën dhe Medinën. U bë një betejë e ashpër që e fitoi Ibrahim Pasha.

Por shpejt ambiciet e Mehmetit do rriteshin. Ai ëndërronte të bëhej sulltan i Përandorisë Osmane. Pas fitores së betejës më 1839 me ushtrinë osmane në Konia të Anadollit, ushtria e Mehmet Pashës marshon drejt Kostandinopojës. Të gjithë historianët janë të një mendjeje që ai donte të bëhej sulltan. Por ishin fuqitë e Mëdha që do ndalonin këtë ambicie të tij. Ata e kërcënuan Mehmet Aliun që të mos marshonte më tej.

Pas kësaj përpjekjeje të fundit, Mehmet Aliu u tërhoq në Egjipt ku atij iu njoh e drejta e mbretërimit në Egjipt dhe nga ku rrodhi një dinasti e gjatë që zgjati deri në vitin 1952.

Mehmet Ali Pasha do të vdiste në Aleksandri. Trupi i tij do të mbështillej me një shall kashmiri dhe me shpatën e tij do të varrosej i përcjellë nga 22 sheikë, që lexonin vargjet e Kuranit dhe që e shoqëruan deri në xhaminë e Alabstros në Kajro, ku u varros. /Konica.al /InforCulture.info

InFor. Culture

Recent Posts

Keni pyetur pse disa vezë janë kafe dhe disa të bardha? Ja përgjigjia

Keni pyetur ndonjëherë se pse disa vezë janë të bardha dhe disa kafe? Ngjyra e…

8 hours ago

E habitshme, ja pse nuk duhet të pini ujë në këmbë

Çdo ditë trupi humb sasi të madhe uji, prandaj është shumë me rëndësi që uji…

8 hours ago

Kur Musolinit i ngeci makina në baltë në Shqipëri (Foto)

Media greke “iEllada.gr” ka postuar disa fotografi të rralla të Benito Musolinit, gjatë vizitës së…

8 hours ago

E keni pyetur ndonjëherë veten? Ja pse bilardoja është jeshile, topat e tenisit të verdhë e tapeti i ceremonive i kuq!

A keni pyetur ndonjëherë veten, se pse uniformat e mjekëve janë të bardha dhe ato…

8 hours ago

Janë vetëm dy shtete në botë që nuk shesin Coca-Cola, kjo është arsyeja!

Koreja e Veriut dhe Kuba janë vendet e vetme që nuk mund të blini Coca-Cola.…

9 hours ago

Imazhi i imagjinuar i Skenderbeut

Imazhi i imagjinuar i SkenderbeutPor, një ditë në studion e Pakalit shkoi Lasgush Poradeci për…

9 hours ago