Disa fotografi të rralla me ngjyra të Prishtinës dhe Prizrenit të vitit 1913 janë publikuar në një faqe në Facebook, si pjesë të koleksionit “Shqipëria me ngjyra”.
Faqja “Fotografitë që kanë bërë historinë” ka përditësuar koleksionin e Albert Kahnit që përbëhet me 50 fotografi të qyteteve shqiptare një vit pas shpalljes së Pavarësisë së Shqipërisë.
“Në vitin 1909 bankieri milioner francez dhe filantropisti Albert Kahn ndërmori një projekt ambicioz për të krijuar një koleksion fotografik të popujve, dhe për popujt, e botës. Si idealist dhe internacionalist, Kahn besonte se mund të përdorte procesin e ri të autokromit, sistemi i parë fotografik në botë me përdorim të thjeshtëzuar dhe në ‘true-colur’, për të promuovuar paqen, shkëmbimin kulturor dhe mirëkuptimin ndërmjet popujve”, thuhet në përshkrimin e albumit të fotografive.
![](https://i2.wp.com/www.kultplus.com/wp-content/uploads/2018/11/auto_pr11541060569.jpg?resize=421%2C300&ssl=1&resolution=1366,1)
![](https://i1.wp.com/www.kultplus.com/wp-content/uploads/2018/11/auto_PZ81541060581.jpg?resize=423%2C566&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_pz91541060579.jpg?resize=421%2C561&ssl=1&resolution=1366,1)
![](https://i0.wp.com/www.kultplus.com/wp-content/uploads/2018/11/auto_PZ111541060575.jpg?resize=423%2C302&ssl=1&resolution=1366,1)
“Kahn përdori pasurinë e tij të madhe për të dërguar një grup fotografësh në më shumë se pesëdhjetë vende përreth botës, ndër të cilat edhe Shqipëria, vende të gjendura në një moment kritik të historisë së tyre, ku kulturat shekullore ishin në kohë transformimesh të mëdha e të pakthyeshme nga lufta dhe nga marshimi i globalizimit të shekullit të njëzetë. Ata dokumentuan në “true colour” shembjen e Perandorise Austro-Hungareze dhe asaj Otomane apo ushtarët e Luftës së Parë Botërore në transhe, ndërsa gatuanin apo lanin uniformat prapa vijës së luftës.Misioni i parë i Arkivave të Planetit i planifikuar nga profesori Zhan Bryn (Jean Brunhes, 1869-1930) ishte për në Ballkan”, thuhet në përshkrim.
![](https://i1.wp.com/www.kultplus.com/wp-content/uploads/2018/11/auto_PR21541060568.jpg?resize=356%2C241&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_PR31541060564.jpg?resize=351%2C272&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_PR41541060563.jpg?resize=361%2C273&ssl=1&resolution=1366,1)
Rrugëtimi i saktë i misionit nuk është plotësisht i qartë, mirëpo dimë se Zhan Bryn dhe Ogyst Leon ndodheshin në Bosnje menjëherë para shpërthimit të Luftës së Parë Ballkanike në fillim të tetorit 1912 dhe fotografuan Banja Llukën, Jajcën, Mostarin dhe Sarajevën.
![](https://i1.wp.com/www.kultplus.com/wp-content/uploads/2018/11/auto_PR51541060562.jpg?resize=369%2C267&ssl=1&resolution=1366,1)
![](https://i1.wp.com/www.kultplus.com/wp-content/uploads/2018/11/auto_PR61541060561.jpg?resize=361%2C282&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_PR71541060558-1.jpg?resize=370%2C284&ssl=1&resolution=1366,1)
“Udhëtimi i tyre në Kosovë u krye në maj të vitit 1913 ku u bënë autokroma në Prishtinë, Graçanicë, Lipjan dhe Prizren. Prej Kosovës ekipi vazhdoi rrugën nga Shkupi për në Selanik, ku Leoni bëri gjashtëdhjetënëntë fotografi me ngjyra të qytetit, dhe prej Selanikut ata udhëtuan për në Bursë në Azinë e Vogël. Misioni në Shqipëri u zhvillua në vjeshtë të atij viti. Bryn dhe Leon erdhën prej Malit të Zi në Durrës më 16 tetor 1913 apo rreth kësaj date”, shkruan koha.net.
![](https://i2.wp.com/www.kultplus.com/wp-content/uploads/2018/11/auto_PR81541060557-1.jpg?resize=388%2C278&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_PZ11541060592.jpg?resize=395%2C280&ssl=1&resolution=1366,1)
![](https://i0.wp.com/www.kultplus.com/wp-content/uploads/2018/11/auto_PZ31541060588.jpg?resize=383%2C546&ssl=1&resolution=1366,1)
“Kjo, të paktën, është data e autokromave të para aty. Nga Durrësi kaluan lumin Erzen, të mbrojtur nga Esad Pashë Toptani (1864-1920) dhe arritën në Tiranë ku qëndruan dy ditë. Nga Tirana, u kthyen në Durrës dhe sigurisht me një anije vazhduan rrugën për në Tivar në Malin e Zi për të përfunduar në Shkodër më 21 tetor 1913. Shkodra, fortesa e fundit e Osmanllinjve në Ballkan, kishte rënë në duart e forcave malazeze më 22 prill 1913 dhe gjatë luftimeve një pjesë e madhe e qytetit të vjetër u shkatërrua. Më 22 tetor 1913, ekipi vazhdoi rrugën drejt veriut për në Rijekë dhe Cetinje, kryeqytetin e vjetër të Malit të Zi. Autokromat e mahnitshme të koleksionit Kan – 97 fotografi të hershme me ngjyra të Shqipërisë dhe 94 fotografi të Kosovës nga të cilat kemi bërë një përzgjedhje e cila paraqitet këtu për herë të parë – janë unikale në historinë e fotografisë shqiptare dhe ballkanike. Ato shkëlqejnë si xhevahirë të paçmueshëm në ëndrrën shumëngjyrëshe të Alber Kanit, në Arkivat e Planetit”, thuhet në përshkrimin e këtyre fotografive.
![](https://i1.wp.com/www.kultplus.com/wp-content/uploads/2018/11/auto_PZ41541060587.jpg?resize=387%2C278&ssl=1&resolution=1366,1)
![](https://i1.wp.com/www.kultplus.com/wp-content/uploads/2018/11/auto_pz51541060586.jpg?resize=383%2C272&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_pz71541060583.jpg?resize=370%2C260&ssl=1&resolution=1366,1)
![](https://i2.wp.com/www.kultplus.com/wp-content/uploads/2018/11/auto_pz121541060574.jpg?resize=367%2C277&ssl=1&resolution=1366,1)
![](https://i0.wp.com/www.kultplus.com/wp-content/uploads/2018/11/auto_PZ131541060573.jpg?resize=370%2C260&ssl=1&resolution=1366,1)
![](https://i0.wp.com/www.kultplus.com/wp-content/uploads/2018/11/auto_PZ21541060590.jpg?resize=386%2C275&ssl=1&resolution=1366,1)