Categories: KAFSHËT

AUVK nis projektin për trajtimin e qenve endacakë

Ka filluar projekti për trajtimin e qenve endacakë përmes metodës KSVL (kapje, sterelizim, vaksinim, lëshim).

Pas insistimit të madh dhe një pritjeje të gjatë, Fondacioni për të Drejtat e kafshëve është autorizuar si organizatë e shoqërisë civile nga AUVK që në këtë projekt të jetë në cilësinë e monitoruesit, sa i përket mirëqenies së kafshëve dhe trajtimit të dinjitetshëm të tyre.

Organizata jonë këtë projekt e vlerëson si shumë të domosdoshëm, por jo të mjaftueshëm për një zgjidhje afatgjate të zbutjës së dukshme dhe të qendrueshme të popullatës së qenve endacakë. Po nuk u bë identifikimi dhe regjistrimi i mbajtësve të kafshëve si dhe licencimi i mbarështuesve të kafshëve, projektet e KSVL-së si të vetme nuk do të mjaftojnë asnjëherë për të bërë një zgjidhje afatgjate.

Sidoqoftë, nisja e këtij projekti duhet mirëpritur, marrë parasysh nevojën shumë të madhe për një projekt të tillë. Siç dihet, muajve të fundit, numri i qenve endacakë nëpër rrugët e Kosovës është shtuar dukshëm dhe braktisja e qenve vazhdon të jetë një fenomen negativ në vendin tonë.

Organizata jonë i bën thirrje të gjithë veterinerëve të kontraktuar që ta marrin këtë punë me shumë profesionalizëm dhe përgjegjësi, në mënyrë që ky projekt të jep efekt sa më të madh në përmirësimin e mirëqenies së kafshëve duke ulur shumimin e tyre, por edhe për rritjen e sigurisë dhe shëndetit publik.

Organizata jonë është në pritje të publikimit të listës së të gjithë veterinerëve të këtij projekti, në mënyrë që qytetarët ta ketë në dispozicion për çdo bashkëpunim eventual në favor të projektit.

Kushdo që dëshiron të lajmërojë për qen të pasterelizuar në lagjet e tyre, do të kenë mundësi që të kontaktojnë direkt me subjektin përgjegjës veterinar për rajonin e caktuar.

Qytetarët të cilët dyshojnë për agresivitetin e ndonjë qeni, duhet të bëjnë video të qenit, apo, kur ta thërrasin ekipin veterinar, të qëndrojnë me ta që ta tregojnë qenin potencialisht agresiv, në mënyrë që të vlerësohet agresiviteti potencial i qenit dhe të ndërmirrën masa që të largohet nga rruga në rast se paraqet rrezik të vazhdueshëm për qytetarët.

Ky projekt nuk ka për qëllim vrasjen apo zhdukjen e qenve të rrugës, andaj, të evitohen thirrjet me tendenca mizore për qentë.

© Fondacioni për të drejtat e Kafshëve
Prishtinë, 08 Maj, 2020

In For Culture

Recent Posts

Foto e rrallë: Momenti kur Adolf Hitler i shpallë luftë Shteteve të Bashkuara (Foto)

Pas sulmit japonez në Pearl Harbor, Gjermania ka ndjekur shembullin e tyre duke i shpallur…

29 mins ago

Pesë mitet rreth bombës atomike të Hiroshimas

Nga Gregg Herken “Washington Post” Në 6 gusht të vitit 1945, Shtetet e Bashkuara hodhën…

33 mins ago

Në këto vende të botës, asnjë turist nuk lejohet të shkelë. Arsyet interesante!

Ja disa nga vendet më të njohura dhe misterioze ku askush nuk shkon asnjëherë. Duket…

1 hour ago

Lambertz: “Historia e vërtetë e njerëzimit do të jetë e shkruar, vetëm kur ajo do të shkruhet me pjesëmarrjen e shqiptarëve”

23 thënie që të huajt i kanë shkruar për prejardhjen e shqiptarëve -Nikolla Jorga: “Populli…

1 hour ago

E vërteta e shtëpisë më të veçuar në botë(Foto)

Mbi një ishull të largët, në arkipelagun e Vestmannaejarit, pranë brigjeve jugore të Islandës, ndodhet…

1 hour ago

SPATA / SHPATA Qyteti mesjetar i emëruar nga Gjin Bua Shpata !

Shkruan Shqipe Hoxha. Since the Middle Ages, Spata has been inhabited by Arvanites. The town…

2 hours ago