6.1 C
Pristina
Thursday, February 25, 2021
Home SOCIALE Pandemia COVID 19, OBSH: Nuk mjafton vetëm izolimi

Pandemia COVID 19, OBSH: Nuk mjafton vetëm izolimi

Bota duhet të bëjë më shumë sesa izolimi i popullatës për të luftuar pandeminë. Këtë apel e bën Organizata Botërore e Shëndetësisë e cila thekson se tani është shansi vendimtar për të vepruar praktikisht kundër koronavirusit.

Ndërsa shumë shtete po shohin izolimin si mënyrë për të ndalur përhapjen e pandemisë në popullsi, disa vende nuk po e shfrytëzojnë kohën për zbulimin e rasteve të reja dhe luftimin e virusit.

Organizata Botërore e Shëndetësisë apeloi të mërkurën qeveritë nëpër botë të zgjerojnë dhe trajnojnë punonjësit e shërbimit shëndetësor, të rritin kapacitetet testuese në komunitet dhe të përshtatin ambientet ekzistuese për pacientët.

“T’u kërkosh njerëzve të qëndrojnë në shtëpi dhe të ndalësh lëvizjet e popullatës vetëm sa na blejnë kohë dhe ulin trysninë te sistemet shëndetësore. Por këto masa vetë nuk i asgjësojnë epidemitë,” deklaroi kreu i OBSH-së, Tedros Adanom.

Sipas tij, koronavirusi i ri që ka infektuar rreth 500 mijë veta dhe ka shkaktuar mbi 20 mijë viktima mbetet armiku numër një i publikut.

“Ua kemi thënë botës një apo dy muaj më parë se se atëherë ishte koha për të vepruar. Ai shans na iku por mesazhi im sot është se tani kemi në dorë një mundësi të dytë që s’duhet ta humbim,” shtoi zyrtari i lartë i agjencisë së Kombeve të Bashkuara.

Organizata paralajmëroi sërish se bota përballet me mungesa shqetësuese të pajisjeve mbrojtëse personale për punonjësit e shëndetësisë, veçanërisht maskat, dorashkat dhe veshjet trupore, ndërsa vendet e varfra nuk mund ta përballojnë dot gjatë situatën.

Këto shqetësime dhe koordinimi i një strategjie globale kundër pandemisë do të diskutohen të enjten në një telekonferencë me liderët të vendeve të G-20.

LEAVE A REPLY

Please enter your comment!
Please enter your name here

Most Popular

Probleme me “Messenger”

Aplikacioni i Facebook, “Messenger” është duke pasur probleme në shumë vende të botës.Ky problem është edhe në Kosovë,...

Lidhjet e shqipes me ilirishten

Portali Konica.al sjell një fragment nga libri i misionarit protestant Edwin Jacques mbi etnogjenezën shqiptare. Një mendje briliante dhe një pasion i...

Qetësoni djegiet e stomakut me këtë pije me bazë mollësh

Ndjesia e njohur e hidhërimit në fyt vjen për shkak të ngjitjes së lëngjeve gastrike drejt ezofagut.Dieta e...

Detaji që iu kishte ikur të gjithëve nga “Home Alone”

Fansat e “Home Alone” kanë kapur një detaj interesant nga ky film.Kevin McCallister i Home Alone u la...

Recent Comments