6.1 C
Pristina
Thursday, January 21, 2021
Home SOCIALE Ana Politikovskaya ,gazetarja ruse që i kushtoi jetën raportimit të drejtë për...

Ana Politikovskaya ,gazetarja ruse që i kushtoi jetën raportimit të drejtë për Çeçeni

Politkovskaya ishte një gazetare e njohur në gjithë botën për shkrimet e saj për shkeljen e të drejtave të njeriut dhe korrupsionin në Çeçeni dhe pjesë të tjera të Kaukazeve, që vuanin nga një kryengritje vdekjeprurëse islamike. Ajo ishte gjithashtu kritike e ashpër e Kremlinit.

Anna Politkovskaya, ishte gazetare hetuese ruse Ajo lindi  më 30 gusht 1958, New York, N.Y. dhe vdiq me 7 tetor 2006 në Moskë, Rusi,shkruan InforCulture.Info

Ajo ishte e njohur për kundërshtimin e saj ndaj konfliktit çeçen dhe për kritikat ndaj Vladimir Putin.

Politikoskaya ishte gazetarja që u bë e njohur me faktin që denoncoi presidentin e Qeverisë Ruse Vladimir Putin për korrupsion dhe abuzime të të drejtave të njeriut, veçanërisht në lidhje me mizoritë e  kryera nga trupat ruse gjatë luftës së shkëputjes çeçene.

Pas studimit të gazetarisë në Universitetin Shtetëror të Moskës, Politkovskaya u bë reportere për gazetën zyrtare “Izvestiya”. Ajo iu bashkua stafit të “Novaya Gazeta”  në vitin 1999 dhe shumë shpejt filloi të raportojë për luftën në Çeçeni, të cilën e mbuloi me guxim të madh.

Librat e saj që përshkruajnë  luftën e pistë e të padrejtë janë “ Një reporter rus në Çeçeni “ dhe ” Rusia e Putinit” . Ajo poashtu kishte marrë çmime të shumta ndërkombëtare për punën e saj.

Gjatë jetës së saj ajo ishte gjithmonë e rrezikuar. Politkovskaya u arrestua nga forcat ushtarake ruse në Çeçeni. Ajo poashtu ishte helmuar ndërsa fluturonte nga Moska përmes Rostov-on-Don për të ndihmuar në zgjidhjen e krizës së pengjeve të shkollës në Beslan, dhe duhej të kthehej mbrapa, duke kërkuar trajtim të kujdesshëm mjekësor në Moskë për të rikthyer shëndetin e saj.

Politkovskaya, e cila kishte marrë kërcënime të shumta me vdekje, u gjet e vrarë në ashensorin e ndërtesës së saj në tetorin e vitit 2006.

Vrasja e saj, që besohet të ishte një vrasje “ e paguar” , nxiti një reagim të fortë ndërkombëtar.

Tre çeçent u arrestuan për vrasjen e saj, por që më pas u liruan. Aktgjykimi u rrëzua nga Gjykata Supreme e Rusisë dhe më pas u mbajtën  gjykime të reja. Në total, gjashtë persona u dënuan me akuzën në lidhje me vdekjen e saj.

Me vrasjen e saj dhe me pyetjen se kush e vrau atë u morrën edhe gjigandët Mediatik “The Guardian” dhe “New York Times”.

Poashtu edhe Departamenti Amerikan i Shtetit dhe Organizata për Siguri dhe Bashkëpunim në Evropë,  edhe 11 vjet pas vrasjes së gazetares, i bënte thirrje Rusisë që të gjejë dhe të ndjekë penalisht autorët e vrasjes së Anna Politkovskaya.

Në maj të vitit 2007 , “Random House” pas vdekjes së gazetares botoi ditarin e saj  i cili përmbante ekstrakte nga fletorja e saj dhe shkrime të tjera. Ai ishte  titulluar “ Një llogari e fundit e një gazetari për jetën, korrupsionin dhe vdekjen në Rusinë e Putinit” Libri jep tregimin e saj për periudhën nga dhjetori 2003 deri në gusht 2005, përfshirë atë që ajo e përshkroi si “Vdekjen e demokracisë parlamentare Ruse”, krizën e pengjeve të shkollës Beslan dhe “dimri dhe vera e pakënaqësisë” nga janari deri në gusht 2005. [ “Për shkak se ajo u vra derisa po e përfundonte përkthimin e këtij libri, redaktimi përfundimtar duhej të vazhdonte  pa ndihmën e saj”, -shkruajti përkthyesi Arch Tait në një shënim të librit.

Sa ishte gjallë edhe vetë Politkovskaya nuk e mohoi të kishte frikë, por ndihej përgjegjëse dhe shqetësohej për informatorët e saj. Ndërsa dha  një konferencë në dhjetor 2005 për lirinë e shtypit në Vjenë të organizuar nga “Reporterët pa Kufij” , ajo tha:  “Njerëzit ndonjëherë paguajnë me jetën e tyre për të thënë me zë të lartë atë që mendojnë. Në fakt, dikush madje mund të vritet për të më dhënë informacion. Nuk jam e vetmja në rrezik. Kam shembuj që e vërtetojnë atë.”

Ekziston edhe një çmim i Gazetarisë “Anna Politkovskaja” i cila çdo vit ipet në Ferrara, Itali, nga revista “L’internationale” dhe komuna e Ferrara.

Ana jetoi dhe punoi për drejtësinë dhe raportimin e drejtë dhe të vërtetë, edhe pse e dinte që i kanosej rreziku për jetë,por mbeti e pa harruar ,sidomos në botën e medias së lirë./InforCulture.Info

LEAVE A REPLY

Please enter your comment!
Please enter your name here

Most Popular

Testamenti i korçarit që u bë biznesmeni më i fuqishëm në Rumani

Janë të shumtë ata patriot që shkrinë pasurinë dhe mundin e tyre për të mirën e çështjes kombëtare, ndërsa sot janë mbuluar...

“Ç’t’i bësh! S’më rrihet pa shkrepur një varg” – AGOLLI, POETI I TOKËS, NJERIUT DHE… VDEKJES.

Nga Anila Mullahi/Agolli e nisi krijimtarinë e tij me vargje dhe shkroi gjatë gjithë jetës së tij poezi,...

Çfarë ndodh kur ne konsumojmë Coca Cola? Këto janë efektet negative të saj në organizëm…

Në dhjetë minutat e para pasi kemi pirë një kanaçe apo shishe Coca Cola: 10 lugë sheqer depërtojnë në sistemin tuaj trupor....

Mësoni si të mbushni celularin pa mbushës

Kur nisemi për udhëtim, të gjithëve na ndodh të harrojmë diçka. Cështja na duket serioze kur vëmë re se në çantë ose...

Recent Comments