Rutinat e gjumit janë të ndryshme në njerëz të ndryshëm, megjithëse ato duhet të jenë të shëndetshme në mënyrë që ta mbajmë trupin tonë të shëndetshëm.
Gjumi është i nevojshëm për të gjitha qeniet njerëzore dhe është e rëndësishme që të flemë mjaftueshëm dhe të bëjmë gjumë cilësor. Për ta bërë këtë, ne duhet të kuptojmë se si funksionon trupi ynë.
Një nga veprimet që shumë njerëz e përsërisin është zgjimi gjithmonë në të njëjtën kohë, por a është kjo e shëndetshme për ne? Ekspertët janë mjaft të qartë për këtë çështje.
Ndoshta, në ditët e pushimit, ju preferoni të zgjasni kohën tuaj të zgjimit për të qenë në gjendje të shijoni disa orë më shumë në shtrat. Megjithatë, sipas ekspertëve, kjo nuk është aspak e këshillueshme për një mënyrë jetese të shëndetshme.
Fakti është se ndryshimi i kohës kur zgjohemi nënkupton një ndryshim në zakonet tona të gjumit. Ky lloj modifikimi është i pashëndetshëm, pasi trupi ynë ka nevojë për rutina. Ndryshimet reflektohen në humorin tonë. Ato gjithashtu mund të modifikojnë dhe ndikojnë në gjendjen tonë fizike dhe mendore.
Problemet me të cilat mund të përballeni:
Edhe pse mund të duket se nuk është aq e dëmshme, ndryshimet në rutinat tona të gjumit, ndikojnë në trupin tonë. Disa nga pasojat me të cilat përballemi janë më të rënda se të tjerat, por mund të hasim:
– Përgjumje
– Irritim
– Humor i keq
– Mungesën e vëmendjes
– Mungesën e kujtesës
– Probleme me rënien në gjumë
– Ndryshime fizike në lëkurë ose flokë dhe dhimbje.
