Shkencëtarët besojnë se të qenit i fortë mendërisht është një parashikues më i lartë i suksesit sesa inteligjenca, dhe pasi të hidhni një vështrim në cilësitë mëposhtë, do të kuptoni pse.
Të kesh kontroll mbi emocionet dhe vullnetin tënd do të thotë të jesh një individ i fuqishëm që mund të arrish pothuajse gjithçka që synon të bësh.
Dëshironi të dini nëse këto kanë të bëjnë me ju? Lexoni dhe kontrolloni vetë! Ne kemi mbledhur disa hulumtime që mbështesin tiparet e një personi të fortë mendërisht.
Ju nuk shqetësoheni për çështje që janë jashtë kontrollit tuaj.
Motoja juaj është “Nëse mund ta rregulloni, mos u shqetësoni; nëse nuk mund ta rregulloni, mos u shqetësoni.” Psikologia Amy Morin shpjegon se nëse jeni një person me mendje të fortë zakonisht nuk shqetësoheni për çështje që nuk mund t’i kontrolloni.
Disa njerëz mund të ndihen të sigurt duke pasur gjithçka të menaxhuar, por disa çështje janë jashtë mundësive tona. Përpjekja për t’i kontrolluar ato do të çojë vetëm në stres dhe humbje të energjisë. Është më mirë ta ruani atë forcë për diçka që në të vërtetë mund ta arrini, ta përmirësoni ose ndryshoni.
Ju i pranoni dhe përballeni me vështirësitë që dalin në rrugën tuaj.
Jeta është e vështirë, dhe ju e dini. Jo vetëm kaq por ju pranoni që dështimi, sëmundja dhe trishtimi do të vijnë në një pikë të rrugëtimit tuaj. Por në vend që të zgjidhni të tërhiqeni sa herë që ndodh diçka e pafat dhe të tërhiqeni nga arritja e qëllimeve tuaja në jetë, studimet tregojnë se ju vendosni ta përdorni çdo moment të fatkeqësisë në avantazhin tuaj duke mësuar prej tij. Kjo është një dhuratë nga inteligjenca juaj emocionale, diçka që njerëzit e fortë mendërisht posedojnë dhe e kultivojnë, e cila ju lejon të përballoni emocionet negative.
